Հայաստանի եւ Վրաստանի վարչապետներ Նիկոլ Փաշինյանը եւ Մամուկա Բախտաձեն Երեւանում հանդիպման ժամանակ քննարկել են տրանսպորտային հաղորդակցության հարցերը:
Հանդիպման արդյունքներով Վրաստանի վարչապետը նշեց, որ ընթացիկ տարում 2 երկրները նշում են առաջին հանրապետությունների 100-ամյակը: «Անկախության վերականգնումից հետո համատեղ քայլերի շնորհիվ հաջողվել է հարաբերությունները զարգացնել: Հավատում եմ, որ հարաբերությունները կզարգանան նաեւ հետագայում: Մենք քննարկել ենք համագործակցության հիմնական ուղղությունները: Ընդգծել ենք ինտենսիվ քաղաքական հարաբերություններին ձգտումը»,- նշեց Բախտաձեն՝ հավելելով, որ հանդիպման ընթացքում քննարկվել են տրանսպորտին, տնտեսությանը, մշակույթին վերաբերող հարցեր: «Արձանագրել ենք, որ չօգտագործված ներուժ կա: Աշնան վերջին նախատեսված է միջկառավարական հանձնաժողովի նիստը՝ որոշելու համար հարաբերություններին զարգացման ուղիները»,- նշեց Վրաստանի վարչապետը:
Նրա խոսքով՝ քննարկվել է նաեւ Վրաստանի եւ ՆԱՏՕ-ի հարաբերությունների հարցը: «Մենք նույնպես ողջունում ենք Հայաստանի եւ ԵՄ հարաբերությունների ակտիվացումը»,- նշեց նա:
