Արաբական Միացյալ Էմիրությունների կլիմայի փոփոխության եւ շրջակա միջավայրի նախարարության եւ ՀՀ ԳՆ սննդամթերքի անվտանգության պետական ծառայություն միջեւ տեւական ժամանակ բանակցություններ էին վարվում Հայաստանից ԱՄԷ միս-մսամթերքի արտահանման շուրջ:

Սննդամթերքի անվտանգության պետական ծառայությունից NEWS.am-ին հայտնում են, որ երկու երկրների պատկան մարմիններն արդեն հաստատել են «Հայաստանի Հանրապետությունից Արաբական Միացյալ Էմիրություններ մսի եւ մսամթերքի արտահանման առողջության սերտիֆիկատը»:

Այս փաստը ոչ միայն կխթանի երկու երկրների միջեւ առեւտրաշրջանառության աճը, այլեւ կնպաստի երկկողմ գործարար կապերի ամրացմանն ու փոխշահավետ համագործակցության զարգացմանը: