News
Լրահոս
News
Կիրակի
Նոյեմբեր 18
Տեսնել լրահոսը

Առաջարկների էությունն այն է, որ քաղաքում գործող եւ ինչպես բազմաբնակարան շենքերի տակ, այնպես էլ դրանց հարակից տարածքներում գործող գիշերային ակումբների եւ այլ գիշերային հաստատությունների գործունեությունը կանոնակարգվի: Այս մասին սեպտեմբերի 10-ին ԱԺ-ում մի շարք օրենքներում փոփոխություններ եւ լրացումներ կատարելու մասին օրինագծերի փաթեթի քննարկման ժամանակ ասաց տնտեսական զարգացման եւ ներդրումների նախարար Արծվիկ Մինասյանը:

Նրա խոսքով՝ առաջարկվում է փոփոխություններ եւ լրացումներ կատարել «Առեւտրի եւ ծառայությունների մասին», «Երեւան քաղաքում տեղական ինքնակառեավարման մասին» օրենքներում, Վարչական իրավախախտումների օրենսգրքում, ինչպես նաեւ լրացումներ կատարել «Տեղական ինքնակառավարման մասին», «Տեղական հարկման եւ վճարումների մասին» օրենքներում: Կառավարությունը նախատեսում է այս օբյեկտների եւ հաստատությունների տերերին ժամկետ տրամադրել (մեկ տարվա սահմաններում) դրանք բնակելի տներից եւ բազմաբնակարան շենքերից որոշակի հեռավորությամբ տեղափոխելու համար, որ դրանց գործունեությունը գիշերային ժամերին չխախտի բնակիչների անդորրը:

Ցանկանում են նաեւ ապագայում բնակելի տների, բազմաբնակարան շենքերի, բուժհաստատությունների եւ պատմամշակութային արժեք ներկայացնող կառույցների անմիջական մոտակայքում նման կարգի հաստատությունների բացման արգելք սահմանել: Առաջարկվում է, որպեսզի նման հաստատության բացման թույլտվության տրամադրումը վերապահվի տեղական ինքնակառավարման մարմիններին: Ըստ որում՝ նրանք էլ կորոշեն, թե տվյալ հաստատությունները բնակելի տներից կամ օբյեկտներից ինչ հեռավորությամբ պետք է տեղակայվեն: Այսպիսի օբյեկտներ բացելու համար ձեռներեցները ստիպված կլինեն վճարել 10 հազար դրամից մինչեւ 20 հազար դրամ հարկ, իսկ մայրաքաղաքում 30 հազարից մինչեւ 50 հազար դրամ: Իսկ մերկապարերի ակումբների դեպքում այս գումարը կտատանվի 100 հազարից մինչեւ 300 հազար դրամի սահմանում»,- հավելեց Մինասյանը:

Միաժամանակ, ինչպես նշեց նախարարը, մայրաքաղաքում այս հարկը կկազմի 300-500 հազար դրամ: Վճարումների չափը կորոշվի տեղակայման վայրով, նրա չափերով եւ այլն, իսկ նշված նորմերի խախտումների դեպքում տուգանքներ կկիրառվեն նվազագույն աշխատավարձի 50-ից մինչեւ 100 դրույքաչափով: Մեկ տարում երկու խախտման դեպքում՝ 200-ից մինչեւ 300 դրույքաչափով:

Դրա հետ մեկտեղ, մերկապարերի ակումբների դեպքում կսահմանվեն ավելի խիստ պահանջներ ու պատժամիջոցներ: Այսպես՝ նշված պահանջների չկատարման դեպքում այս հաստատությունները կտուգանվեն նվազագույն աշխատավարձի 300-ից մինչեւ 500 դրույքաչափի սահմաններում, իսկ նույն տարում երկրորդ խախտման դեպքում տուգանքը կկազմի 1 մլն դրամից մինչեւ  1 մլն 300 հազար դրամ:

Հարկ է նշել, որ այս օբյեկտների ցանկի մեջ են հայտնվել ոչ միայն գիշերային եւ մերկապարի ակումբները, այլ նաեւ կարաոկե բարերը, դիսկոտեկները, շոգեբաղնիքները, բաղնիքները եւ հոսթելները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«ԷՅ ՋԻ» ՍՊԸ-ն պետությանը 50,5 մլն դրամի վնաս է պատճառել. ՊԵԿ-ը ապօրինի գործունեության դեպքեր է բացահայտել
Նոյեմբերի 1-9-ը կազմակերպել է հանրային սննդի՝ գիշերային դիսկո-բարի գործունեությունը...
Արմեն Սարգսյանը իտալական «Լեոնարդո» ընկերության ղեկավարի հետ քննարկել է համագործակցության հնարավորությունները
Հանդիպման ընթացքում շահագրգիռ քննարկում է ծավալվել ընկերության հետ կրթության եւ բարձր տեխնոլոգիաների ոլորտներում համագործակցության հնարավորությունների վերաբերյալ…
Ռուբլու «թուլությունը» արտացոլվել է դեպի Հայաստան փոխանցումների վրա
Այնուհետեւ օգոստոսի 10-ից դոլարը մտավ 65-70 ռուբլու միջակայք…
Դոլարի փոխարժեքը շարունակում է նվազել. եվրոն թանկացել է
Թանկարժեք մետաղների համար բանկի կողմից սահմանվել են հետեւյալ գները...
Կարող եք հույս դնել մեզ վրա. ՎԶԵԲ-ի հայաստանյան գրասենյակի ղեկավարը՝ Տիգրան Խաչատրյանին
Նախարարի պաշտոնակատարը, ողջունելով հյուրին, նշել է, որ ՎԶԵԲ-ի հետ համատեղ քննարկվել և գտնվել են լուծումներ մի շարք հարցերի...
Ասիական զարգացման բանկը Հայաստանին 50 միլիոն դոլար վարկ կտրամադրի
ԱԶԲ–ն ծրագրի առաջին հատվածի շրջանակներում 40 միլիոն դոլար է տրամադրել նախորդ տարի...
Partner news