ԵՄ-ից Մեծ Բրիտանիայի դուրս գալու մասին համաձայնագիրը կարող է կնքվել 6-8 շաբաթվա ընթացքում, եթե բանակցողները իրատեսական լինեն իրենց պահանջներում եւ փոխզիջման հասնեն: Այս մասին հայտարարել է Եվրահանձնաժողովի Brexit-ի վերաբերյալ բանակցությունների նախապատրաստման եւ անցկացման հարցերով գլխավոր բանակցող Միշել Բարնյեն, գրում է Reuters-ը:
Եվրոպացի քաղաքական գործիչը վստահ է, որ համաձայնագրին կարելի է հասնել նոյեմբերի սկզբին: Բարնյեի նման սպասումը կապված է համաձայնագիրը մինչեւ 2019-ի մարտ վավերացնելու ցանկության հետ, երբ Լոնդոնը վերջնականապես կլքի ԵՄ-ն: