Հյուսիսային Կորեայի երկաթուղու փոխնախարար Կիմ Յուն Հեկը հայտարարել է, որ Փհենյանը մտադիր է Սեուլի հետ համաձայնության հասնել երկաթուղիների միավորման հարցի շուրջ, հայտնում է «ՌԻԱ Նովոստի»-ն:
«Ներկայումս մենք նպատակադրվել ենք Հյուսիսային եւ Հարավային Կորեաների երկաթուղիների միավորմանը, սա սկզբունքորեն կարեւոր նախագիծ է, եւ անհրաժեշտ է առավելագույն հնարավոր պայմաններ ստեղծել, որպեսզի այս նախագիծը վերջնարդյունքում իրականացվի»,- ասել է նա:
Հյուսիսային Կորեայի երկաթուղիների նախարարության արտաքին կապերի դեպարտամենտի փոխտնօրեն Կիմ Չան Սիկն իր հերթին հայտարարել է, որ երկաթուղիների միավորման նախագիծը Փհենյանն ու Սեուլը կզարգացնեն Մոսկվայի հետ համատեղ: