Գեղարքունիքի մարզում, այսօր՝ սեկտեմբերի 11-ին, ողբերգական ավտովթար է տեղի ունեցել. ժամը 12։30-ի սահմաններում Volkswagen Golf մակնիշի 34 ZD 717 համարանիշի ավտոմեքենայի վարորդը Վարդենիս-Սոթք-Քարվաճառ ավտոճանապարհի 25-րդ կմ հատվածում դուրս է եկել ճանապարհի երթեւեկելի գոտուց, մի քանի պտույտ շրջվելով՝ գլխիվայր հայտնվել ձորակում։
Shamshyan.com-ի փոխանցմամբ, վթարի հետեւանքով 1 հոգի տեղում մահացել է, 1 հոգի էլ տեղում անհրաժեշտ բուժօգնությունն է ստացել օպերատիվորեն դեպքի վայր ժամանած Վարդենիսի բժշկական կենտրոնի բժիշկների կողմից։
Վիրավորին եւ մահացածին ձորից դուրս են բերել փրկարարները, որից հետո հոսանքազրկել են ավտոմեքենան, փակել գազաբալոնն ու սահմանազատել տարածքը։