Իրանի ատոմային էներգիայի կազմակերպության ղեկավար Ալի Ակբար Սալեհին հույս է հայտնել, որ Գործողությունների համատեղ համապարպակ պլանը (ԳՀՀՊ) կպահպանվի, սակայն նախազգուշացրել է, որ գործարքի չեղարկման դեպքում Իրանի միջուկային ծրագիրը նոր մակարդակի կհանվի։
«Եթե մենք ստիպված լինենք հետ վերադառնալ եւ դուրս գալ միջուկային գործարքից, ապա մենք, անկասկած, չենք վերադառնա այնտեղ, որտեղ անցյալում էինք։ Մենք կկանգնենք ավելի բարձր դիրքում»,-ասել է նա Associated Press-ի հետ զրույցում։
Գործակալության նյութում նշվում է, որ Սալեհին պատմել է Իրանի ջանքների մասին ավելի ժամանակակից ցենտրիֆուգներ արտադրության օբյեկտ կառուցելու շուրջ Նաթանզում ուրանի հարստացման ձեռնարկությունում։
Սալեհին նաեւ քննադատել է ԱՄՆ նախագահ Դոնալդ Թրամփի դիրքորոշումը ԳՀՀՊ-ից դուրս գալու շուրջ, փոխանցում է «ՌԻԱ Նովոստի»-ն։