iPhone Xs Max-ը կարող է դառնալ Apple-ի պատմության մեջ ոչ միայն որպես ամենամեծ, այլեւ ամենածանր սմարթֆոն, գրում է IXBT-ն՝ վկայակոչելով 9To5Mac-ին:
OLED էկրանով 6.5 դյույմ անկյունագծով iPhone Xs Max-ը կշռում է 208 գրամ: Համեմատության համար, այսօրվա դրությամբ ամենածանր iPhone 8 Plus-ը կշռում է 202 գրամ:
Ստացվում է, որ iPhone Xs Max-ը 6 գրամով ծանր է ներկայիս ռեկորդակիրից: iPhone Xs Max-ի եւ iPhone 8 Plus-ի ընդհանուր չափերը գրեթե նույնը կլինեն, իսկ լրացուցիչ քաշը կապված է ալյումինի փոխարեն պողպատե շրջանակի օգտագործման հետ:
Ամեն ինչ կբացահայտվի վաղը երեկոյան՝ Apple-ի շնորհանդեսի ժամանակ: