Ադրբեջանի կողմից հրադադարի ռեժիմի խախտումը կրում է մշտական բնույթ։ Այս մասին այսօր՝ սեպտեմբերի 12-ին կայացած ճեպազրույցի ժամանակ հայտարարել է ԱԳՆ մամուլի քարտուղար Տիգրան Բալայանը։
Պատասխանելով Տավուշի ուղղությամբ հրադադարի ռեժիմի հերթական խախտման առնչությամբ հայկական կողմից ձեռնարկվող գործողությունների մասին հարցին՝ Բալայանը նշել է, որ գործողություններ մշակվել են, մեխանիզմը հստակ է։ Առաջին հերթին տեղեկացվում են ԵԱՀԿ Մինսկի խմբի համանախագահ երկրների ԱԳՆ–ներն ու դեսպանները, գործող նախագահի անձնական ներկայացուցիչը. «Պետք է նշենք, որ խախտումները կրում են մշտական բնույթ»,–նշել է Բալայանը՝ շեշտել է, որ սա Բաքվի կողմից արդեն շուրջ 2 տարի որդեգրած Կասպրշիկի թիմի ընդլայնումից ու միջադեպերի հետաքննության մեխանիզմից հրաժարվելու ապակառուցողական քաղաքականության հետեւանքն է։
