News
Լրահոս
News
Չորեքշաբթի
Հուլիս 08
USD
485.12
EUR
546.92
RUB
6.72
ME-USD
0.02
Տեսնել լրահոսը

ՊՊԾ գնդի գրավման 13–րդ օրը՝ հուլիսի 30–ին, սպանված ոստիկանության աշխատակից Յուրի Տեփանոսյանի հայրը՝ Վահրամ Տեփանոսյանն այսօր՝ 2018թ. սեպտեմբերի 12–ին ներկայացել էր Երեւանի ընդհանուր իրավասության դատարան։ NEWS.am-ի թղթակիցը հաղորդում է, որ նա ներգրավվեց, որպես տուժողի իրավահաջորդ։ Նշենք, որ մինչ այդ տուժողի իրավահաջորդը Տեփանոսյանի մայրն էր՝  Արփինե Թովմասյանը։

Սպանված ոստիկանի հայրն այսօրվա դատական նիստում անսպասելի հայտարարություն արեց. նա նշեց, որ ցանկանում է, որպեսզի իր շահերը դատարանում ներկայացնի այս գործով ամբաստանյալներ Արայիկ Խանդոյանի եւ Վարուժան Ավետիսյանի պաշտպան, փաստաբան Արայիկ Պապիկյանը։

Ավետիսյանն ու Խանդոյանը հայտարարեցին, որ հրաժարվում են իրենց պաշտպանից քանի որ իրենց համար տուժողի շահերն ավելի գերակա են։ Պապիկյանն էլ իր հերթին հայտարարեց, որ ցանկանում է ներկայացնել տուժողի իրավահաջորդի շահերը։

Դատավորը նշեց, որ Պապիկյանը չի կարող իրավաբանական օգնություն ցույց տալ այն անձին, ում շահերը հակասում են իր վստահորդի շահերին։ Այսպիսով դատարանը բավարարեց Արայիկ Խանդոյանի եւ Վարուժան Ավետիսյանի՝ պաշտպանից հրաժարվելու միջնորդությունը, սակայն թույլ չտվեց, որ Պապիկյանը ներգրավվի, որպես Յուրի Տեփանոսյանի ներկայացուցիչ։

Դատավորը հայտարարեց, որ փաստաբան  Արայիկ Պապիկյանն այլեւս ամբաստանյալների շահերը չի ներկայացնում եւ կարող է լքել դատական նիստերի դահլիճը։

Հիշեցնենք, որ Յուրի Տեփանոսյանը սպանվել է ՊՊԾ գնդի գրավման 13-րդ օրը՝ հուլիսի 30-ին՝ ՊՊԾ գնդի տարածքիՀից դուրս՝ մեքենայի մեջ:  Ըստ մեղադրական եզրակացության՝ Յուրի Տեփանոսյանի սպանությունը կատարել է «Սասնա ծռեր» խմբի անդամ Սմբատ Բարսեղյանը` պարեկապահակետային գնդի հրամանատարի տեղակալ, ոստիկանության գնդապետ Արթուր Վանոյանի աշխատասենյակից հափշտակած «ՍԿՍ» տեսակի ակոսափող որսորդական հրազենով, մի քանի հարյուր մետր հեռավորությունից:

Տպել
Կարդացեք նաև
Ամբողջը
Օսիպյանին ասել եմ՝ նրանք ձեզ չեն խնայի, ձեզ կսպանեն, որ դա էլ մեզ վրա գցեն. Գագիկ Եղիազարյանի ցուցմունքը դատարանում
Ուզում էին հասկանալ՝ արդյոք մենք կնահանջե՞նք այդ զրահատեխնիկան տեսնելով…
Երբ Գագիկ Մկրտչյանի նկարները դիահերձարանից բերեցին, ես սարսափեցի, այդ տղուն հոշոտել էին. «Սասնա ծռերի» գործով վկա
Հետո Գագիկ Մկրտչյանը աչքիս չէր երեւում, հարցրի տղաներին, ասացին, որ իրենք իր ոտքով իրեն ճանապարհել են…
Բիլյանը ոստիկանի վիրավորման հետ կապ չունի, ձեռքին զենք չի եղել. «Սասնա ծռերի» գործով նիստին հրավիրվել են գործով վկաները
Գեւորգ Մելիքյանը նշեց, որ ինքը Արմեն Բիլյանին փոխհրաձգության պահին չի տեսել…
Արմեն Բիլյանը 5 ժամով հեռացվեց նիստերի դահլիճից, սակայն մի քանի րոպե անց դատարանը թույլատրեց նրան վերադառնալ դահլիճ
Արմեն Բիլյանը նախ 5 ժամով հեռացվեց նիստերի դահլիճից, այնուհետեւ պաշտպանների միջնորդությամբ դատարանը թույլատրեց նրան վերադառնալ նիստերի դահլիճ…
Պավլիկ Մանուկյանը դիմակ չկրելու համար բերման ենթարկվեց. նիստը հետաձգվեց
Նա չի կատարել ոստիկանների պահանջը եւ բերման է ենթարկվել Ոստիկանության բաժին…
«Սասնա ծռերի» գործով դատական նիստին չեն հարցաքննվի փորձագետները. դատարանը մերժեց Փոստանջյանի միջնորդությունը
Հիմա արդեն Բիլյանը ցանկանում է հարցեր ուղղել փորձագետներին՝ նրանց արած եզրակացություններում առկա հետեւությունների հավաստիություն ճշտելու նպատակով…
Ամենաշատ