Իրավիճակը հայ-ադրբեջանական սահմանին կայուն է: Այս մասին, այսօր՝ սեպտեմբերի 12-ին, լրագրողների հետ զրույցում նշեց ՀՀ պաշտպանության նախարար Դավիթ Տոնոյանը՝ մեկնաբանելով Ադրբեջանի զինուժի կողմից Բաղանիս գյուղի ուղղությամբ հերթական անգամ հրադադարի ռեժիմը խախտելու փաստը:
«Հրադադարի ռեժիմի նման խախտումներ պարբերաբար տեղի են ունենում: Մեր Զինված ուժերն արձագանքում են, իրավիճակը կայունանում է»,-ասաց նախարարը: Նրա խոսքով, պատճառները տարբեր են լինում՝ գյուղատնտեսականից մինչեւ ինժեներական աշխատանքներ, ինչպես նաեւ հատուկենտ կրակոցներ:
«Այս պահին անհանգստանալու պատճառ չկա»,-վստահեցրել է Տոնոյանը:
Ավելի վաղ NEWS.am-ը հայտնել էր, որ երեկ եւ այս գիշեր հակառակորդը գնդակոծել է Տավուշի մարզի սահմանամերձ Բաղանիս գյուղը: ՀՀ պաշտպանության նախարարի մամուլի խոսնակ Արծրուն Հովհաննիսյանը NEWS.am-ին հայտնել էր, որ կրակոցները եղել են մարտական դիրքերի եւ գյուղի ուղղությամբ, որոնք հայկական կողմը լռեցրել է:
