News
Լրահոս
News
Երեքշաբթի
Հոկտեմբեր 16
Տեսնել լրահոսը

Բրիտանիայի ԱԳՆ-ն արձագանքել է Russia Today-ի եթերով հեռարձակված  Սոլսբերիում Սերգեյ եւ Յուլիա Սկրիպալների թունավորման կասկածյալներին: Foreign Office-ի հայտարարության համաձայն, Ալեքսանդր Պետրովը եւ Ռուսլան Բոշիրովը, չնայած իրենց խոսքերին, ԳՀՎ աշխատակիցներ են, իսկ հարցազրույցը ճշմարտությունը թաքցնելու Ռուսաստանի հերթական փորձն է, գրում է «Վեդոմոստին»:

«Մեծ Բրիտանիայի ոստիկանությունը եւ դատախազությունը այդ մարդկանց Սոլսբերիում թունավորման հիմնական կասկածյալներ են անվանել:  Կառավարությանը պարզ է, որ նրանք Ռուսաստանի ռազմական հետախուզության ծառայության աշխատակիցներ են` ԳՀՎ-ի, եւ մեր երկրի փողոցներում օգտագործել են խիստ թունավոր, անօրինական քիմիական զենք: Մենք բազմիցս խնդրել ենք Ռուսաստանին բացատրություններ տալ Սոլսբերիում մարտի դեպքերի մասին: Այսօր, ոչ առաջին անգամ, նրանք  արձագանքեցին կեղծիքներով եւ ստով», - ասված է բրիտանական ԱԳՆ-ի հայտարարության մեջ:

Այսօր RT-ով հեռարձակվեց  Պետրովի եւ Բոշիրովի հարցազրույցը գլխավոր խմբագիր Մարգարիտա Սիմոնյանին: Նրանք պատմել են, որ Սոլսբերի են գնացել որպես զբոսաշրջիկներ, ոչ մի կապ չունեն ԳՀՎ-ի հետ, եւ սովորական գործարարներ են:

Սեպտեմբերի սկզբին Բրիտանիայի ոստիկանությունը եւ դատախազությունը Պետրովին եւ Բոշիրովին անվանեցին մարտի 4-ին Սոլսբերիում տեղի ունեցած թունավորման կասկածյալներ:

Այդ տվյալներով, նրանց թունավորման օրը տեսել են Սկրիպալների տան մոտակայքում, իսկ հյուրանոցի համարում գտել են «Նովիչոկ» թույնի հետքեր:

Բրիտանական լրատվամիջոցներն ավելի ուշ հաղորդել են, որ կասկածյալները ԳՀՎ-ի արտասահմանում հատուկ գործողությունների խմբի մաս են կազմում եւ առաջին անգամ չէ, որ մեկնել են այլ երկրներ այդ նպատակով:

Բրիտանիայի վարչապետ Թերեզա Մեյը նրանց նույնպես անվանել է ԳՀՎ սպաներ: Նրա կարծիքով, նրանք գործել են ՌԴ ղեկավարության «բարձր մակարդակով» հրամանով:

Սեպտեմբերի 12-ին Արեւելյան տնտեսական համաժողովի ժամանակ Ռուսաստանի նախագահ Վլադիմիր Պուտինը հայտարարել էր, որ ռուսական իշխանություններին հայտնի են այն մարդիկ, ում Միացյալ Թագավորությունը կասկածում է թունավորման համար: «Այնտեղ ոչ մի հատուկ կամ քրեական բան չկա», - ասել էր նա: Պուտինը Պետրովին եւ Բոշիրովին կոչ էր արել «գալ ինչ-որ տեղ», օրինակ` ԶԼՄ-ով ելույթ ունենալ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՌԴ արտաքին հետախուզության ղեկավարը ռուս-բրիտանական հարաբերությունների վերականգնման հույս ունի
Ցանկացած պատերազմ միշտ խաղաղությամբ է ավարտվում…
Լոնդոնը գործընկերների հետ կքննարկի Ռուսաստանի դեմ նոր պատժամիջոցների հարցը. Մեծ Բրիտանիայի ԱԳՆ
Ռուսաստանի կառավարությունը պետք է իմանա, որ եթե այս կերպ արհամարհի միջազգային իրավունքի նորմերը, ապա հետեւանքներ կլինեն…
Պուտինը՝ Սկրիպալի գործի մասին․ Եկել են ինչ-որ մարդիկ, սկսել են թունավորել ինչ-որ անօթեւանների
Նա կրկին հերքել է այդ դեպքին Ռուսաստանի առնչությունը․․․
Պետրովի ու Բոշիրովի իրական անունները բացահայտած լրագրողը ստիպված է լքել Ռուսաստանը
Ներկայումս Կանեւը գտնվում է Մերձբալթիկայի երկրներից մեկում…
Պուտինը Սկրիպալների թունավորման մեջ կասկածվողներին կոչ է արել հանդես գալ լրատվամիջոցներում
Հույս ունեմ, որ նրանք ինքները կհայտնվեն եւ իրենց մասին իրենք կպատմեն…
ՌԴ–ում գտել են Սկրիպալների գործով «կասկածյալներին»
Մենք գիտենք, թե ովքեր են նրանք, մենք գտել ենք նրանց…
Ամենաշատ
Partner news