«Երկիր Ծիրանի» կուսակցությունից առաջադրված Երեւանի քաղաքապետի թեկնածու Զարուհի Փոստանջյանը հուսով է, որ առանց Հանրապետական կուսակցության մասնակցության՝ Երեւանի ավագանու ընտրությունները կանցնեն առանց օրենքի խախտումների: Նա այս մասին սեպտեմբերի 13-ին լրագրողներին ասաց Շենգավիթ վարչական տարածքում նախընտրական երթ անցկացնելիս:
Նա նշեց, թե չգիտի՝ ՀՀԿ-ին այս անգամ կհաջողվի՞ ընտրությունների ընթացքում ապօրինի գործողություններ իրականացնել՝ չպարզաբանելով, թե ինչ իմաստ ունի դա անել մի ուժի, որը դրանց չի մասնակցում:
Ընդ որում՝ Փոստանջյանը նշեց, որ եթե ավագանու ներկայիս ընտրությունները համեմատենք նախորդի հետ, ապա ընտրական տեղամասերում տեսահսկման սարքերի բացակայությունը նահանջ կլինի:
Ի պատասխան հարցին՝ երեւանցիներն ինչո՞ւ պետք է ընտրեն «Երկիր Ծիրանի» կուսակցությանը, Զարուհի Փոստանջյանն ասաց. «Կուսակցության գործունեությունն իրականացվել է քաղաքացիների աչքերի առաջ, մենք նրանց խնդրանքները երբեք չենք անտեսել: Ես կուտակած փորձ ունեմ, իմ խիղճը մաքուր է, իմ ձեռքերը մաքուր են, եւ սա կարեւոր է Երեւանը ղեկավարելու համար»:
Հիշեցնենք, որ Երեւանի ավագանու ընտրությունները կանցկացվեն սեպտեմբերի 23-ին:
