Հռոմի Ֆրանցիսկոս պապը թույլատրել է անցկացնել ֆինանսական հանցագործությունների հետաքննություն, որում կասկածվում են Սիքստինյան կապելլայի տղամարդկանց երգչախմբի ղեկավարն ու վարչական տնօրենը։ Հետաքննությունը սկսել է մի քանի ամիս առաջ եւ դեռեւս շարունակվում է, հայտնում է Reuters-ը։

Վատիկանը հանդես է եկել հայտարարությամբ այն բանից հետո, երբ Սիքստինյան կապելլայում ֆինանսական չարաշահումների մասին է հայտնել իտալական La Stampa թերթը։ Նրանց տեղեկությամբ՝ երգչախմբի մենեջեր Միքելանջելո Նարդելլային եւ տնօրենին՝ հոգեւորական Մասիմո Պալոմբոլային կասկածում են վատնման, խարդախության եւ փողերի լվացման մեջ։

Դեռեւս երկու կասկածյալներից ոչ ոք չի մեկնաբանել ֆինանսկական հնարավոր հանցագործությունների մասին հաղորդագրությունները։