Ռուսաստանի դեմ նոր սահմանափակումները կտարածվեն պաշտպանական գնումների վրա, կազդեն բանկային համակարգի վրա։ Այս մասին հայտարարել է Պետդեպարտամենտի ներկայացուցիչ Մանիշա Սինգխը՝ հաղորդում է РБК-ն։
Նա նաեւ ասել է, որ պատժամիջոցների երկրորդ փաթեթը՝ ԳՀՎ-ի նախկին աշխատակից Սերգեյ Սկրիպալի եւ նրա դստեր՝ Յուլյայի թունավորման համար, շատ ավելի խիստ կլինի, քան նախորդը։
«Մենք պատրաստում ենք գործարկել պատժամիջոցների երկրորդ փուլը։ Մենք ուզում ենք հասնել նրան, որպեսզի կարողանանք ստուգումներ անցկացնել, եւ նրանք (Ռուսաստանի իշխանությունները) հավաստիացնեն, որ այլեւս չեն օգտագործի թունավոր նյութեր իրենց իսկ քաղաքացիների դեմ»,- ասել է Սինգխը։
