Թեհրանը ահաբեկչության դեմ պայքարում Փարիզին մեղադրել է երկակի ստանդարտների համար: Իրանի ԱԳՆ-ի պաշտոնական ներկայացուցիչ Բահրամ Գասեմին մերժել է Ֆրանսիայի մտահոգությունը Իրաքի Քուրդիստանում ահաբեկիչների դիրքերի ուղղությամբ Իրանի վերջին հրթիռների հարձակումների կապակցությամբ, հաղորդում է Mehr-ը:
Նա ընդգծել է, որ ոչ մի երկիր չի լռի, երբ խոսքը վերաբերի իր ազգային անվտանգությանը, տարածքային ամբողջականությանը եւ իր ժողովրդի եւ տարածքների դեմ ագրեսիայի ցանկացած ձեւին:
Ավելի վաղ Ֆրանսիայի ԱԳՆ-ն անհանգստություն էր հայտնել հյուսիսային Իրաքում ահաբեկիչների դեմ Իրանի գործողությունների կապակցությամբ:
Գասեմին նշել է, որ ահաբեկիչների հարձակումների արդյունքում վերջերս մահացել է Իրանի 11 քաղաքացի, եւ Իրանի ժողովուրդը սպասում էր իշխանության վճռական գործողություններին: Իրանը բազմիցս եւ ուղղակիորեն զգուշացրել է, որ ահաբեկչության եւ բռնության բոլոր դրսեւորումների դեմ իր սահմանների երկայնքով լուրջ միջոցներ է ձեռնարկում եւ շարունակելու է այդ սկզբունքային քաղաքականությունը, ասել է Գասեմին:
Նա քննադատել է Ֆրանսիայի կառավարության լռությունը Իրանի ազգային անվտանգության եւ տարածքային ամբողջականության դեմ Իրաքի տարածքից կազմակերպված նախորդ ահաբեկչական հարձակումների առիթովեւ կոչ է արել Փարիզին այս առումով իրատեսական մոտեցումներ իրականացնել:
Նա ընդգծել է, որ ահաբեկչությունը պետք է դատապարտվի ցանկացած ձեւով եւ աշխարհի ցանկացած կետում՝ առանց հաշվի առնելու քաղաքական նկատառումներն ու մերժել երկակի ստանդարտների ընդունումը եւ այլ երկրների տարածքային ամբողջականության եւ ազգային ինքնիշխանության նկատմամբ կամայական մոտեցումները: