HomeCourt-ը Քալիֆորնիայի NEX Team սթարթափի մշակումն է, որը 2017-ին մշակվել է Դեեւվիդ Լիի, Ռեջի Չանի եւ Թոնի Սունգի կողմից: Հավելվածը հետեւում է օգտագործողին բասկետբոլի մարզումների եւ հանդիպումների ժամանակ՝ օգնելով բարելավել անհատական խաղի կողմերը, գրում է ՌԲԿ-ն:
«Մարզումների համար անհրաժեշտ կլինեն շտատիվ, սմարթֆոն, օղակ եւ հարթակ, ոչ մի արտառոց բան», —Wired-ին ասել է HomeCourt-ի գլխավոր տնօրեն Դեւիդ Լին:
Հավելվածը նկարահանում է օգտագործողի հաջող եւ անհաջող նետումները տարբեր կետերից եւ տվյալները պահպանում է «ամպում»: Դրանից հետո սկսսում է աշխատել արհեստական ինտելեկտը, որը ներդրված է ծառայությունում: Արհեստական ինտելեկտը վերլուծում է տեսանյութը եւ օգնում է պարզել նետումների օպտիմալ հետագիծը:
HomeCourt-ը խաղային հմտությունների բարելավման 100 տոկոսանոց երաշխիքներ չի տալիս, բայց կատարելոգործում է shot science անվանումով գործառույթը (նետման գիտություն):
HomeCourt-ը կարելի է մեկ ամսվա ընթացքում անվճար օգտագործել: Թեստային շրջանից հետո անսահմանափակ բաժանորդագրությունը ամսական 7.99 դոլար կարժենա: Կարելի է շարունակել անվճար հղկել նետումների ճշգրտությունը, բայց սահամանփակումով՝ ամսվա մեջ 300 նկարահանումով:
