Վարչապետ Նիկոլ Փաշինյանը ժամանել է Ելիսեյան պալատ, որտեղ նրան դիմավորել է Ֆրանսիայի նախագահ Էմանյուել Մակրոնը:
Դիմավորման պաշտոնական արարողությունից հետո երկու երկրների ղեկավարները բանակցություններ են սկսել աշխատանքային ճաշի շրջանակում:
Ավելի վաղ NEWS.am-ը հայտնել էր, որ ՀՀ վարչապետն աշխատանքային այցով ժամանել է Փարիզ՝ Ֆրանսիայի նախագահ Էմանուել Մակրոնի հրավերով: Հայաստանի վարչապետը նախօօրեին հանդիպել է ՀՀ համայնքի ներկայացուցիչների եւ Ֆրանսիայի քաղաքական, հասարակական գործիչների հետ։ Փաշինյանը նաեւ ծաղկեպսակ է դրել Փարիզի կենտրոնում վեր խոյացող Կոմիտասի հուշարձանի մոտ:
Իսկ արդեն այսօր ՀՀ վարչապետը հանդիպում է ունեցել «Ֆրանսիայի ձեռնարկությունների շարժում» կազմակերպության անդամների հետ:
