News
Լրահոս
News
Երեքշաբթի
Նոյեմբեր 13
Տեսնել լրահոսը


Եթե ԵԱՀԿ Մինսկի խմբի միջնորդներն ուզում են, որ կողմերն իսկապես զբաղվեն հակամարտության կարգավորմամբ, առաջին հերթին պետք է կարողանան կարգի հրավիրել Ադրբեջանին: Այս մասին Փարիզում Ֆրանսիայի հայ համայնքի հետ հանդիպմանն ասել է ՀՀ վարչապետ Նիկոլ Փաշինյանը:

«Եթե ոչ, եթե Ադրբեջանը մտածում է, որ Հայաստանին սպառնալիքներով կարող է հարցի լուծման մղել, սխալվում է: Ադրբեջանն էլ լավ չի արձանագրել, որ ՀՀ-ն հիմա ուրիշ է, մի Հայաստան է, որի շուրջ համախմբված է ողջ հայությունը՝ իր նոր ներուժով, եւ Ադրբեջանի ագրեսիվ գործողությունը չի լինելու Հայաստանի եւ Արցախի դեմ, այլ  լինելու է ընդդեմ հայությանը եւ լինելու է հակահարված համախմբված եւ «դուխով» հայ ժողովրդից»,- ասել է վարչապետը: 

Անդրադառնալով Արցախի հարցով երկրների ղեկավարների նոր հանդիպումների հնարավորության մասին հարցին, Նիկոլ Փաշինյանը նշել է, որ ԱԳ նախարարների մակարդակով հանդիպում Հայաստանի եւ Ադրբեջանի ԱԳ նախարարների միջեւ արդեն կայացել է, իսկ երկրների ղեկավարների հանդիպման մասին դեռեւս որեւէ պայմանավորվածություն չկա:

Արցախյան հիմնախնդրի կարգավորման հարցում հայկական կողմի պատկերացումների մասին հետաքրքրվել է նաեւ Ֆրանսիայի նախագահ Էմանուել Մակրոնը: «Նա մտածում էր՝ արդյո՞ք կա հնարավորություն լրջորեն քննարկել Ղարաբաղյան հարցի կարգավորումը, մենք այս կապակցությամբ մտքեր փոխանակեցինք, ես ասացի, որ, իմ կարծիքով, Ադրբեջանի ղեկավարությունն այդքան էլ անկեղծ չէ արցախյան հարցի կարգավորման մասին խոսելիս: Հակամարտության կարգավորում հնարավոր է տարածաշրջանում կարգավորման մթնոլորտում, բայց լսում ենք հոխորտանքներ, եւ կարգավորման մասին հարցը նման պայմաններում իրատեսական չէ»,- ասել է նա:

Նիկոլ Փաշինյանը տեղեկացրել է, որ Ֆրանսիայի նախագահի հետ քննարկել են նաեւ երկկողմ հարաբերությունների հարցեր: «Այսօրվա հանդիպման ամենակարեւոր արդյունքը կարող ենք համարել այն, որ առաջիկայում Հայաստանն ավելի լուրջ եւ ավելի մեծ դերակատարում պետք է ունենա, եւ մենք պետք է օգտվենք այդ իրավիճակից, որ թավշյա հեղափոխությունից Հայաստանի հեղինակությունն աճել է, եւ կարող ենք ավելի ակտիվ դերակատարություն ունենալ միջազգային կյանքում»,- ասել է նա:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Դուշանբեի պայմանավորվածությունները կատարվում են. Տոնոյան
Այս փուլում նման պայամանվորվածություն չկա, հարցը ամեն հանդիպման բարձրացնում ենք, հայտնեց Տոնոյանը...
Նախիջեւանի ուղղությամբ Ադրբեջանի զինված ուժերը ոչ մի միլիմետր «չեն ազատագրել». Տոնոյան
Նրանք կրճատել են դիրքերի միջեւ տարածությունը, ընդ որում՝ իրենց կողմից...
Հրադադարը ԼՂ կարգավորման էական ասպեկտների հարցում փոխզիջման կարեւորագույն պայման է. Լուկաշեւիչ
Կոչ ենք անում կողմերին լրացուցիչ միջոցներով ամրապնդել լարվածության նվազեցման դրական միտումը...
Արցախը պետք է վճռական ձայն ունենա հակամարտության կարգավորման գործում․ դեսպան Կիրակոսյանի հայատարարությունը ԵԱՀԿ-ում
Արցախի ժողովուրդն ու իշխանությունները պետք է վճռական ձայն ունենան հակամարտության կարգավորման գործում․․․
Ստատուս քվոն անընդունելի է․ ԵԱՀԿ-ում ԱՄՆ առաքելության ներկայացուցիչ
Միացյալ Նահանգներն աջակցում է Հայաստանի ու Ադրբեջանի միջև վստահության հաստատմանն ու երկխոսության ընդլայնմանը ուղղված ջանքերին․․․
Լոս Անջելեսի քաղաքային խորհուրդը Արցախի ազատագրական շարժման 30-ամյակի կապակցությամբ բանաձև է ընդունել
Հաշվի առնելով, որ Լոս Անջելեսը հպարտ է նշելու Արցախի ազատագրական շարժման 30-րդ տարեդարձը․․․
Partner news