ԱՄՆ պետքարտուղար Մայքլ Պոմպեոն հայտարարել է, որ ԱՄՆ-ի կողմից Իրանի դեմ պատժամիջոցները կանդրադառնան նրա հետ առեւտրային հարաբերություններ ունեցող բոլոր երկրների վրա: Այսպիսի զգուշացումով կարճ ասուլիսում հանդես է եկել ԱՄՆ պետքարտուղար Մայքլ Պոմպեոն:
Նա նշել է, որ «մի շարք որոշումներ դեռեւս մշակվում են մինչեւ վերջնաժամկետը՝ նոյեմբերի 1-ը»:
«Բայց չմոլորվեք. նոյեմբերի 4-ից կլինեն սկզբունքորեն տարբեր կանոններ, որոնք կանդրադառնան բոլոր նրանց, ովքեր անհրաժեշտ կհամարեն Իրանի հետ տնտեսական գործունեությամբ զբաղվելը: Դա կլինի լուրջ, կարեւոր օր», - ասել է Պոմպեոն:
Միեւնույն ժամանակ, Պետդեպարտամենտի ղեկավարը նշել է, որ որոշ երկրներ առաջիկա պատժամիջոցների պատճառով արդեն «քայլեր են ձեռնարկում Իրանից հեռանալու, բիզնեսը դադարեցնելու համար»:
