ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Դաշինքը մտադիր չէ նահանջել Ռուսաստանի ճնշման պատճառով: Այս մասին Ստոլտենբերգը հայտարարել է ԱՄՆ ազգային անվտանգության հարցերով խորհրդական Ջոն Բոլթոնի հետ հանդիպումից հետո, հաղորդում է «Ամերիկայի ձայնը»:
«Մեզ համար հակասական չէ ՌԴ-ի նկատմամբ մեր ավելի կոշտ, վճռական մոտեցումները եւ միեւնույն ժամանակ երկխոսություն որոնելու մտադրությունը»,-«Ժառանգություն» հետազոտական կենտրոնում ասել է նա:
Ստոլենբերգն ընդգծել է, որ ՆԱՏՕ-ն շահագրգռված չէ առճակատման մեջ՝ նշելով, որ Մոսկվան «պատրաստ է ռազմական ուժ կիրառել հարեւանների դեմ»:
«Մենք տեսել ենք, թե ինչպես են նրանք օգտագործում մեդիան եւ եւ սոցիալական մեդիան, ապատեղեկատվությունը՝ փորձելով ազդել եվրոպական տարբեր երկրներում քաղաքական գործընթացների վրա»:
Ստոլտենբերգը նաեւ վստահեցրել է, որ ՆԱՏՕ-ն կշարունակի աջակցել Վրաստանի եւ Ուկրաինայի ջանքերին դաշինքին միանալու հարցում. «Վրաստանը կդառնա ՆԱՏՕ-ի անդամ»: