ՀՀ վարչապետ Նիկոլ Փաշինյանն այսօր՝ սեպտեմբերի 15-ին, լրագրողների հետ զրույցում պատասխանել է «Ելք» դաշինքի իր գործընկեր Արամ Սարգսյանին՝ պատասխանելով այն հարցին, թե «Հանրապետություն» կուսակցության առաջնորդ Արամ Սարգսյանն ասել է, ի՞նչ են ուզում, ընդհանրապես չբարեւե՞ն հանրապետականներին։

«Այսինքն այդ հայտարարությունից կարո՞ղ ենք հասկանալ, որ հենց իրենք են, որ խաղեր են տալիս։ Դե եթե իրենք չեն, ինչի՞ են արձագանքում»,-ասաց վարչապետը։

Հիշեցնենք, որ նախօրեին «Իմ քայլը» դաշինքի հանրահավաքում վարչապետ Նիկոլ Փաշինյանը խոսեց քաղաքական ուժերի մասին, որոնք, նրա խոսքով, իրենց հեղափոխական են ներկայացնում, սակայն փորձում են ՀՀԿ-ի հետ թաքուն համաձայնությամբ տապալել հեղափոխությունը: «Ելք» դաշինքի պատգամավոր Արամ Սարգսյանը, մեկնաբանելով Նիկոլ Փաշինյանի հայտարարությունը, ասել էր, որ նման հայտարարություններ անելուց առաջ վարչապետը դա պետք է քննարկեր իրենց հետ և հետո միայն այդ ամբիոնից հայտարարեր։

Նշենք, որ Արամ Սարգսյանը ներկայացնում է «Լույս» դաշինքը, որի քաղաքապետի թեկնածուն Արամ Սարգսյանի կուսակից Արտակ Զեյնալյանն է:

• Պետք էր ասել՝ տղե՛րք, էս ի՞նչ հանդիպումներ եք անում, նոր հայտարարել. Արամ Սարգսյանը՝ Փաշինյանին
• Իրենց հեղափոխական հայտարարած որոշ ուժեր քուչեքում բանակցում են Հանրապետականի հետ. Փաշինյան