Դոնբասում Malaysia Airlines–ի «Բոինգ» ինքնաթիռը խոցած հրթիռը պատկանել է Ուկրաինայում զորամասին։ Այս մասին հայտարարվել է ինքնաթիռի կործանման հարցով «նոր բացված հանգամանների» թեմայով ՌԴ ՊՆ մամուլի ասուլիսին։
Ինչպես հայտարարել է ՊՆ գլխավոր հրթիռահրետանային վարչության պետ Նիկոլայ Պարշինը, գերատեսչությունը պարզել է, որ հրթիռի մասերը, որոնք ցուցադրվել են մայիսին Միացյալ քննչական խմբի (JIT) մամուլի ասուլիսին, պատկանել է 9М38 հրթիռին։
Մամուլի ասուլիսին նաեւ ցուցադրվել է տեսանյութ, որում խոսվում է տեսահսկման տեսախցիկների տեսագրությունների կեղծման մասին, որում, ռուսական զինվորների պնդմամբ, «Բուկ» կայաններ են ամրակցված եղել։
«Առանձին անդրադառնամ 20152 զորամասին, որտեղ տեղակայվել է 886847349 համարով հրթիռը, որի իրական անվանումը 221 զենիթահրթիռային բրիգադ, որը 1986 թվականին այն ներառված է եղել կարպատյան ռազմական օկրուգի կազմում Տերեբոլյա քաղաքում։ Դրա զինանոցում կային «Բուկ» զենիթահրթիռային համալիրները, որոնք ԽՍՀՄ փլուզումից հետո ներառված է եղել Ուկրաինայի Զինված ուժերի կազմում»,–նշել է Պարշինը։
«Ուկրաինայի նախագահի հրամանով վերանվանվել է 223 զենիթահրթիռային ջոկատ։ Ներկայումս այդ զորամասը տեղակայված է Հին Լվովյան շրջանում, դրա զինանոցում նախկինի պես կան «Բուկ» համալիրներ։ Հետաքրքիր է, որ 223 ջոկատը, 2014 թվականից սկսած, բազմիցս ներգրավվել է, այսպես կոչված, հակաահաբեկչական գործողություններում Դոնեցկի ու Լուգանսկի շրջաններում»,–հավելել է նա։