Ռոբոտներն ու արհեստական ինտելեկտը, հնարավոր է, ավելի շատ աշխատատեղեր ստեղծեն, քան կվերացնեն: Այս մասին նշված է Համաշխարհային տնտեսական համաժողովի զեկույցում, հայտնում է Press Association-ը:
75 մլն աշխատատեղերի վերացման պարագայում նորագույն տեխնոլոգիաների հաշվին լրացուցիչ 133 մլն նոր թափուր տեղ կհայտնվի:
Կնվազի ֆիզիկական ծանրաբեռնվածություն պահանջող աշխատատեղերի քանակությունը, միաժամանակ կաճի արհեստական ինտելեկտի հետ աշխատել կարողացողների պահանջարկը:
Սակայն հաղորդվում է, որ ձեռնարկություններից եւ կառավարություններից կպահանջվի ներդրումներ կատարել այդ հմտությունները մարդկանց սովորեցնելու համար: Տնտեսության որոշ հատվածներում արդեն այսօր լուրջ փոփոխություններ են զգացվում:
Արեւմտյան Եվրոպայում դիտվում է ծրագրային ապահովման, վեբ-դիզայնի եւ վերլուծաբանների աշխատատեղերի աճ, մինչդեռ առեւտրի մասնագետները, լրագրողները եւ վարչական աշխատողներն արդեն բախվում են աշխատանք գտնելու դժվարություններ հետ:
Փորձագետների տվյալներով՝ 2022 թվականին ձեռնարկություններում մեքենաները կկատարեն աշխատանքի միջինը 42 տոկոսը՝ այսօրվա 29 տոկոսի համեմատությամբ:
