Չեխիայի հյուսիսում շունը գտել է բրոնզե դարի գանձ, հայտնում է N1-ը:
Դրա մեջ կար ավելի քան 20 իր, այդ թվում՝ մանգաղներ եւ նիզակի ծայրեր: Հնագետների խոսքով՝ արտեֆակտները պատրաստվել են մոտ 3 հազար տարի առաջ:
Այս տարվա մարտին գյուղաբնակը շան հետ զբոսնում էր դաշտերից մեկի երկայնքով, եւ կենդանին հանկարծ սկսել է կատաղությամբ հողը փորել: Երբ տերը մոտեցել է, տեսել է բրոնզից պատրաստված իրեր, որ նման էին մանգաղի: Շունը փորել հանել է ընդհանուր 20 իր, որոնց թվում 13 մանգաղ, նիզակի երկու բրոնզե ծայր, 3 տապար եւ մի քանի ապարանջան:
Մասնագետների կարծիքով՝ գանձը հորել էին դամբարանադաշտերի մշակույթի ներկայացուցիչները:
