«Ֆլորենս» փոթորիկի հետեւանքով զոհվածների թիվը Հյուսիսային եւ Հարավային Կարոլինա նահանգներում հասել է 32 մարդու, հայտնում է CBS News հեռուստաալիքը, փոխանցում է «ՌԻԱ Նովոստի»–ն։ Ավելի վաղ հայտնել էինք, որ տարերային աղետի հետեւանքով զոհվել էր 24 մարդ, նրանց թվում 2-ը երեխաներ էին։
Հյուսիսային Կարոլինայի նահանգապետ Ռոյ Կուպերը մամուլի ասուլիսին հաստատել է իր ղեկավարած նահանգում 17 մարդու զոհվելու փաստը։
«Ֆլորենս» փոթորիկն ԱՄՆ-ի ատլանտյան ափերին Է հասել սեպտեմբերի 14-ին: Ներկայում այն թուլացել Է, բայց պահպանվում Է սաստիկ հեղեղումների սպառնալիքը, քանի որ փոթորիկն իր հետ բերել Է հսկայական քանակությամբ տեղումներ:
Հյուսիսային եւ Հարավային Կարոլինայի նահանգների ավելի քան 27 հազար բնակիչներ գտնվում են ժամանակավոր ապաստարաններում: Հարյուր հազարավոր սպառողներ զրկվել են լույսից: Մոտավորապես 523 հազար տուն ու ձեռնարկություն մնում Է առանց Էլեկտրականության։