News
Լրահոս
News
Շաբաթ
Հոկտեմբեր 20
Տեսնել լրահոսը

Դիլիջանից ընդամենը 3 կմ հեռավորության վրա գտնվող Ջուխտակ վանքի ներկայիս տեսքը «ցավեցնում» է յուրաքանչյուր այցելուի։

Ջուխտակը գտնվում է Դիլիջան-Վանաձոր ճանապարհի աջ կողմում՝ անտառապատ բլրի լանջին։ Մի քանի կիլոմետր արահետով բարձրանում ես՝ անտառի միջով, ու դժվար է պատկերացնել, որ վերջում տեսնելու ես անտառի մեջ թաքնված երկու եկեղեցիները՝ անտերության մատնված։

Ջուխտակ վանքը հիմնադրվել է 11-12 դարերում, կազմված է զույգ եկեղեցիներից, այստեղ էլ ծագել է անվանումը՝ «ջուխտակ»։ Սուրբ Գրիգոր Լուսավորիչ եկեղեցին կառուցվել է 11-րդ դարում, իսկ Սուրբ Աստվածածինը։՝ 1201 թ.-ին։ Երկու եկեղեցիների շուրջ տարածված է միջնադարյան գերեզմանոցն իր յուրահատուկ տապանաքարերով։

Այսօր, սակայն, եկեղեցիների նախկին տեսքի մասին «հուշում» է միայն տեղադրված ցուցանակը։ Ներկայումս Սուրբ Գրիգոր Լուսավորիչ եկեղեցու գմբեթը քանդված է, պատերի վրա առկա են ճաքեր։ Երկու եկեղեցիների ներսում և դրսում տեղադրված խաչքարերն ամբողջությամբ, իսկ խորաններն ու պատերը մասամբ այրված են. այցելուները մոմերը վառում են հենց դրանց վրա։ Սա էլ բավական չէ. շատերն «իրենց պարտքն են համարում» իրենց անվան առաջին տառերը գրել պատերին կամ սիրո խոստովանություն անել։ Այս համատարած վանդալիզմի դեմ էլ որեւէ պայքար չկա։ Տպավորություն է, որ նույնիսկ վանդալիզմն այստեղ խրախուսվում է։

Թե ինչու որեւէ պետական ուշադրություն չկա այս զույգ եկեղեցիների նկատմամբ, դժվար է ասել։ Հատկանշանակ է, որ Ջուխտակը Դիլիջան այցելողների սիրված վայրերից է։ Այստեղ մշտապես կարելի է տեսնել զբոսաշրջիկների, որոնք պարզապես ապշում են՝ տեսնելով, թե ինչ անմխիթար վիճակում են միջնադարյան այս կառույցները։

Տպել
Կարդացեք նաև
Ամբողջը
«Ինձ համար Դուք նախ եւ առաջ պրոֆեսոր եք, հայագետ». ՀՀ նախագահը հյուրընկալել է Տեր Լեւոն արքեպիսկոպոս Զեքիյանին
Ձեր այցելությունը կարեւոր է ոչ միայն հոգեւոր եւ կրոնական, այլ նաեւ՝ մշակութային առումով...
Գարեգին Բ-ն ԵՄ ներկայցուցչի հետ քննարկել է Հայաստան-ԵՄ հարաբերությունների հեռանկարները
Ամենայն Հայոց Կաթողիկոսն ընդունել է ԵՄ Արտաքին գործողությունների ծառայության Եվրոպայի եւ Կենտրոնական Ասիայի տնօրինության գործադիր ղեկավարին…
Վերականգնումից հետո բացվել է Տաթեւի Սուրբ Աստվածածին եկեղեցին (ֆոտո)
Տաթեւի վանական համալիրի վերականգնման աշխատանքներն իրականացնելիս IDeA հիմնադրամը սերտ համագործակցում է Մայր Աթոռ Սուրբ Էջմիածնի...
Ամենայն Հայոց Կաթողիկոսն ընդունել է Կանադայի վարչապետին
Վեհափառ Հայրապետը գոհունակությամբ հաստատեց, որ ֆրանկոֆոնիայի միջազգային կազմակերպության 17-րդ գագաթնաժողովի բարեհաջող անցկացումը Հայաստանում առիթ դարձավ տարբեր երկրների միջեւ...
Գարեգին Բ-ն օրհնել է Հնդկաստան բուժման մեկնող երեք զինվորականներին
Ամենայն Հայոց Կաթողիկոսը, իր օրհնությունը բերելով զինվորականներին, նշեց, որ հպարտություն է տեսնել հայրենյաց պաշտպանների, ովքեր պատրաստ են իրենց կյանքն ընծայել հայրենիքի համար…
Շառլ Ազնավուրին նվիրված պատարագ՝ Էջմիածնի Մայր տաճարում
Այսօր Ֆրանսիայի մայրաքաղաքում տեղի կունենա լեգենդար շանսոնյեի հուղարկավորության արարողությունը...
Ամենաշատ
Partner news