ՀՀ գործադիր իշխանությանը պետք է ժամանակավոր արտակարգ լիազորություններ շնորհվեն՝ երկրում անցումային արդարադատություն իրականացնելու համար: Այս մասին այսօր՝ 2018թ. սեպտեմբերի 18-ին լրագրողների հետ հանդիպմանը հայտարարեց «Սասնա ծռեր» համահայկական կուսակցության ստեղծման նախաձեռնող խմբի անդամ Ալեք Ենիգոմշյանը:
«Օգոստոսի 17-ին կայացած մեծ հանրահավաքի ժամանակ վարչապետը խոսեց անցումային արդարադատության մասին, սակայն ցավոք մենք անցումային արդարադատության իրականացման ուղղությամբ կոնկրետ քայլերի ականատես չեղանք»,-նկատեց Ենիգոմշյանը:
Ըստ նրա՝ առանց անցումային արդարադատության իրականացման՝ երկրում չեն կարող համակարգային փոփոխություններ լինել:
Ենիգոմշյանի խոսքով՝ անցումային փուլում գործադիր իշխանությանը պետք է լրացուցիչ լիազորություներ շնորհվեն, որոնք պետք է հաստատվեն ժողովրդի կամքով՝ հանրաքվեի միջոցով, որտեղ ժողովուրդն իր ազատ կամքով ժամանակավոր ժամկետով:
«Գործադիր իշխանությունը պետք է հստակ ժամկետ ցույց տա, որ, օրինակ այսքան ամիս անց անցումային փուլը հասցնելու է ավարտին, որից հետո պետք է սահմանադրական փոփոխություններ տեղի ունենան»,-ասաց նա՝ շեշտելով նոր սահմանադրության ընդունման անհրաժեշտության մասին:
Ըստ Ենիգոմշյանի՝ պետք է ստեղծել երդվյալ ատենակալների իրավարար դատարան, որը պետք է ղեկավարվի իրավունքի սկզբունքներով, իսկ օրենքն օգտագործի այնքանով, որքանով դա անհրաժեշտ է ընթացակարգն ապահովելու եւ պատիժներ սահմանելու համար:
«Հայաստանն արտաքին լուրջ խնդիրներ ունի, որոնք լուծելու համար անցումային փուլը պետք է հասցնել ավարտին»,-ասաց նա՝ նկատելով, որ ներկա օրենսդիր իշխանությունը նախորդ իշխանության մնացուկն է սպառնալիք է Նոր Հայաստանի համար : գործադիր իշխանությունը պետք է հստակ ժամկետ ցուց տա, որ այդքան ամիս անց փուլը հասցնելու է ավարտին, որից հետո պետք է նոր սահմանադրություն լինի, նոր Սահմանադրությունն անհրաժեշտ է:
Ենիգոմշյանի համոզմամբ, սակայն առկա խնդիրները չեն կարող լուծվել բացառապես իրավական կամ բացառապես քաղաքական ճանապարհով. դրանք պետք է լուծել իրավաքաղաքական ճանապարհով:
Հիշեցնենք, որ 2018 թ. սեպտեմբերի 29-ին տեղի կունենա «Սասնա Ծռեր» կուսակցության հիմնադիր համագումարը, որի ընթացքում կհայտարարվի կուսակցության նոր անդամների ներգրավման մասին:
