Ռուս զինվորականները պարզել են Իլ-20 ինքնաթիռի կործանման վայրը Միջերկրական ծովում, ՌԴ ռազմածովային նավատորմի նավի վրա են բարձրացվել անձնակազմի դիերը։ Այս մասին լրագրողներին երեքշաբթի հայտնել են ՌԴ պաշտպանության նախարարությունից։
«Լաթաքիայի ափերի մոտ կործանված Իլ-20 ռուսական ինքնաթիռի անձնակազմի անդամների որոնման գործողություններին մասնակցում են 8 նավեր, կատերներ եւ ՌԴ ռազմածովային նավատորմի ապահովման նավեր։ Ներկայումս գտնվել է ինքնաթիռի կործանման տեղը՝ Բանիաս բնակավայրից (Լաթաքիա նահանգ) 27 կիլոմետր արեւմուտք»,–նշել են ռազմական գերատեսչությունում։
ՊՆ–ում հայտնել են, որ ռուսական նավերի վրա են բարձրացվել անձնակազմի անդամների դիերի եւ անձնական իրերի, ինչպես նաեւ ինքնաթիռի հատվածները։
Ավելի վաղ ՌԴ ՊՆ–ն նշել էր, որ Միջերկրական ծովի երկնքում ռուսական Իլ-20 ռազմական օդանավը սիրիական ՀՕՊ կողմից խոցվել է, քանի որ օդանավով քողարկվել էին Իսրայելի F-16 կործանիչները:
Ռուսաստանն Իսրայելի գործողությունները գնահատել է որպես թշնամական եւ իրեն պատասխան գործողությունների իրավունք է վերապահել:
Իլ-20-ը խոցվել է Իսրայելի մեղքով. ՌԴ պաշտպանության նախարարություն
Շոյգուն Միջերկրական ծովի երկնքում ոչնչացված ռուսական Իլ-20 ինքնաթիռի համար մեղադրել է Իսրայելին
