Փհենյանում Հյուսիսային եւ Հարավային Կորեաների առաջնորդներ Կիմ Չեն Ընը եւ Մուն Չժե Ինը ավարտել են պաշտոնական բանակցությունների առաջին օրը, լրագրողներին հայտնել են Սեուլում գագաթնաժողովի մամուլի կենտրոնում: Առաջնորդները նախատեսել են բանակցությունները շարունակել չորեքշաբթի, փոխանցում է «ՌԻԱ Նովոստի»-ն:
Բանակցություններն անցկացվել են Կորեայի Աշխատանքային կուսակցության ԿԿ շենքում, որը տեւել է 2 ժամ: Շենքի վրա փողփողում էր կուսակցական կարմիր դրոշը՝ մանգաղի, մուրճի եւ վրձնի ոսկե պատկերով, որը Հյուսիսային կորեայի գյուղացիների, բանվորների եւ մտավորականության միասնության խորհրդանիշն է:
Մուն Չժե Ինը գրառում է կատարել պատվավոր հյուրերի գրքում: «Խաղաղություն եւ բարգավաճում՝ հայրենակիցների միասնական սպասումներ»,- գրել է նա մինչեւ Կիմ Չեն Ընի հետ բանակցությունների դահլիճ տանող աստիճաններով բարձրանալը: