Երեւանի բյուջեն անարդյունավետ է օգտագործվում: Այս մասին սեպտեմբերի 18-ին լրագրողների հետ հանդիպման ժամանակ հայտարարեց «Հայք» կուսակցությունից Երեւանի քաղաքապետի թեկնածու Գեւորգ Հովսեփյանը:
Նրա խոսքով, անարդյունավետ են կազմակերպվում մայրաքաղաքի լուսավորության աշխատանքները, ինչպես նաեւ աղբահանության հարցերը, լուրջ է տրանսպորտի խնդիրը: «Հայաստանում, որպես տրանսպորտի ձեւ անհրաժեշտ է ճոպանուղի ներդնել: Սա պետք է ոչ միայն զբոսաշրջիկներին ներգրավելու համար: Պետք է նաեւ մետրոն զարգացնել», - ավելացրեց Սարգսյանը` առանց բացատրելու, թե ինչ ֆինանսական միջոցներով:
Նա նշեց, որ իրենց կուսակցությունը նախընտրական քարոզչության համար աննշան միջոցներ է հատկացրել, քանի որ ցանկացել է զերծ մնալ քաղաքական շոուից: Այդ պատճառով կուսակցությունը հրաժարվել է նախընտրական վահանակներից, քանի որ համարել է, որ բնակչության ծանր սոցիալական դրության պայմաններում նման շռայլություն թույլ տալը սխալ եւ անտեղի կլիներ:
«Առանց դրա էլ, մենք մեր հնարավորությունները համարում ենք բավականին բարձր: Իհարկե, մենք միշտ լինելու ենք «սպիտակ» ուժերի հետ: Մենք ընդունում ենք, որ Հայաստանի վարչապետ Նիկոլ Փաշինյանը «սպիտակ» ուժ է: Մենք էլ ենք այդպիսին», - ասաց թեկնածուն:
Հիշեցնենք, որ Երեւանի ավագանու ընտրությունները տեղի կունենան սեպտեմբերի 23-ին:
