News
Լրահոս
News
Երեքշաբթի
Դեկտեմբեր 11
Տեսնել լրահոսը

Այն բոլոր քաղաքական ուժերը, պատգամավորները, որոնք կողմ են քվեարկել Նիկոլ Փաշինյանի թեկնածությանը եւ կառավարության ծրագրին, դա չեն արել Նիկոլ Փաշինյանի կամ «Քաղաքացիական պայմանագիր» կուսակցության համար: Այս մասին Facebook-ի իր էջում գրել է «Ելք» խմբակցության ղեկավար, ՔՊ անդամ Լենա Նազարյանը:

«Դա եղել է ժողովրդի պահանջը բոլորից: Եվ եթե հիմա ակնարկում են, որ կառավարությունը ԱԺ արտահերթ ընտրությունների հասնելու համար նրանց օգնությանն ապավինելու խնդիր ունի, չեն հաշվի առնում, որ արտահերթի հարցը հանրային պահանջ է, ոչ թե վարչապետի ցանկությունը:

Հեղափոխությունը մի անձի դեմ չէր ու մի անձի համար չէ: Այլ կոռումպացված քաղաքական ու տնտեսական քանդվող համակարգերի կազմալուծման խնդիր է դրված: Այ հենց այս պահերին է առավել ակնառու երեւում գաղափարական կուսակցությունների պակասը եւ իրական դերը»,-գրել է նա:

Ավելի վաղ NEWS.am-ը հայտնել էր, որ Երեւանի քաղաքապետի ԲՀԿ-ական թեկնածու Նաիրա Զոհրաբյանը նախօրեին հայտարարել էր, որ արտահերթ խորհրդարանական ընտրությունների հարցը դեռ կքննարկեն, եւ ինչ որոշում էլ, որ կայացնեն, լինելու է իրենց քաղաքական որոշումը: «Իհարկե, մտածելու ենք այդ մասին, եւ որեւէ մեկը հանկարծ մտքի ծայրով չանցկացնի, որ կարող է ժողովուրդ բերել Ազգային ժողով եւ պարտադրել, օրինակ, ինձ՝ Նաիրա Զոհրաբյանիս, քվեարկել մի բանի համար, որի համար ես չեմ ուզում։ Ժողովուրդը մեկ անգամ մոբիլիզացվեց Սերժ Սարգսյանի ռեժիմից ազատվելու համար, եւ եթե կարծում են, որ հեղափոխական բառաֆոնդը  անընդհատ ասելով՝ «պառկեցնեմ ասֆալտին»,  «կտանք պատերին» եւ այլ անհասկանալի արտահայտություններով մարդկանց բերելու են, ԱԺ–ի վրա ճնշում գործադրեն, ասում եմ՝ չեք կարողանալու։ Եվ չեք անելու։

Այնպես որ,  արտահերթ խորհրդարանական ընտրությունների հարցը մենք դեռ կքննարկենք, եւ ինչ որոշում էլ, որ կայացնենք, լինելու է մեր քաղաքական որոշումը, եւ որեւէ մեկի մտքով հանկարծ չանցնի, որ կարող է մեզ սպառնալ ժողովրդի մի հատվածով: «Կբերեմ, կճնշեմ եւ կքվեարկեք»։ Ո՛չ։ Դուք անցել եք քաղաքակիրթ քաղաքական մշակույթի ու հարաբերությունների բոլոր սահմանները»,-ասել էր նա:

Այս խնդրին նախօրեին իր ելույթում անդրադարձել է նաեւ «Լույս» դաշինքը ներկայացնող, «Ելք» խմբակցության պատգամավոր Արամ Սարգսյանը՝ նշելով, որ ԲՀԿ-ն ու ՀՅԴ-ն կանգնած են եղել Նիկոլ Փաշինյանի կողքին եւ հայտարարել են, որ արտահերթ ընտրությունների կողմնակից են. «Հիմա էդ մարդիկ մտածում են՝ արտահերթ ընտրություններին կողմնակից լինեն՝ ի՞նչ անեն: Բա ո՞նց ենք էդ խնդիրը լուծելու, բա էստեղ մտածելու բան չկա՞:  Նույն սահմանադրության հանրաքվեն էլ ի վերջո Ազգային ժողով է գալու եւ այդ մարդիկ, որ ձեզ մի անգամ օգնել են, կարող էլ էլ չօգնել: Իհարկե՝ ես միանշանակ ուզում եմ արտահերթ խորհրդարանական ընտրություններ։ Կասկածել ինձ, որ ես այդ ընտրություններն դեմ եմ, դա նույնն է՝ մտածել, որ իմ ցանկությունն է եղել պատգամավոր դառնալը: Շատ լավ գիտեք, որ ես երկու անգամ պատգամավոր ընտրվել եմ, բայց չեմ գնացել խորհրդարան, ես երբեք ինձ առաջ չեմ գցել, ամբիցիա չեմ ունեցել, պաշտոն չեմ ուզել»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Զինծառայողներին, այդ թվում նաեւ ժամկետային, տրված է լիովին ազատ ընտրելու հնարավորություն. Արծրուն Հովհաննիսյան
«Փաստ». Ո՞ւմ հետ է խոսում Նիկոլ Փաշինյանը
Ճշմարտության առջեւ չմեղանչելու համար նշենք, որ...
«Հրապարակ». «Գնալու եմ չոքեմ, աղաչեմ». ՀՀԿ-ն հաշվում է իր շանսերը. «աբիժնիկ» Մհերն ու Նեմեցի շրջապատը
Մալաթիա-Սեբաստիայում նույնպես շատ թույլ ենք՝ Սամվել Ալեքսանյանն աջակցում է փոխվարչապետին...
«Հրապարակ». ՀՀԿ-ական նախկին մարզպետը տաքսիներով է քարոզարշավ անում, ՔՊ-ականը համայնքապետերի վրա «պլան» է դնում
Մարզի երբեմնի տիրակալ Աղվան Հովսեփյանը, ասացին, ձեռքերը լվացել է...
«168 ժամ». Զինծառայողներին պարտադրում են ընտրե՞լ. Ասել են՝ դա կազմակերպում է Փաշինյանը
եր տեղեկություններով՝ Արցախում իրենց ծառայությունն իրականացնող զինծառայողները զանգահարում են ծնողներին...
Արմեն Աշոտյանը կառաջադրվի թիվ 4 ընտրական տարածքում եւ կլինի ՀՀԿ նախընտրական շտաբի քարոզչության ղեկավարը
Այս տարիների ընթացքում ձեռքբերված հմտությունները, գործած սխալների դասերը, հարված պահելու բնավորությունս...
Ամենաշատ
Partner news