Չինաստանի Առեւտրի նախարարությունը բողոք է ներկայացրել Առեւտրի համաշխարհային կազմակերպություն ԱՄՆ-ի կողմից նախատեսվող 200 միլիարդ դոլար արժողությամբ ներկրվող չինական ապրանքների համար մաքսատուրքերի կապակցությամբ, հաղորդում է Reuters-ը:
Վաշինգթոնի վարչակազմը հայտնել է, որ սեպտեմբերի 24-ից 10 տոկոսով ավելացնում է Չինաստանի ապրանքները մաքսատուրքերը:
Պեկինը հայտարարել է, որ այլ տարբերակ չունի, քան պատասխան քայլեր ձեռնարկելը:
Չինաստանի արտաքին գործերի նախարարության մամուլի քարտուղար Գենգ Շուանը հայտարարել է, որ ԱՄՆ-ն «նոր անորոշության» է մտցրել երկու երկրների միջեւ բանակցություններում: «Չինաստանը միշտ ընդգծել է, որ չին-ամերիկյան առեւտրային խնդիրը լուծելու միակ ճիշտ ճանապարհը հավասարության, անկեղծ եւ փոխադարձ հարգանքի հիմքի վրա բանակցություններն ու խորհրդակցություններն են:
Սակայն ԱՄՆ-ի գործողությունները անկեղծություն կամ բարյացակամության տպավորություն չեն թողնում», - ավելացրել է նա:
Թրամփը երկուշաբթի հայտարարել էր, որ սեպտեմբերի 24-ից ներկրվող 200 միլիարդ դոլար արժողությամբ չինական ապրանքների համար 10 տոկոսանոց մաքսատուրքեր է սահմանելու, Պեկինի կողմից պատասխան միջոցների դեպքում սպառնացել է եւս 267 միլիարդ դոլար արժողությամբ ապրանքների համար մաքսատուրքերով:
