News
Լրահոս
News
Ուրբաթ
Մարտ 29
Տեսնել լրահոսը

Իսրայելական զինվորականները Սիրիայի ՀՕՊ ուժերին մեղադրել են, որ նրանք ոչնչացրել են  ռուսական ինքնաթիռը, ասելով, որ «անկանոն» կրակ են բացել եւ չեն ստուգել, թե արդյոք ռուսական ինքնաթիռներ կան օդում, գրում է  Reuters-ը: Իսրայելը նաեւ ցավակցություն է հայտնել ռուսական օդանավի անձնակազմի մահվան կապակցությամբ:

Իսրայելի Ներքին գործերի նախարարության հայտարարության մեջ նշվում է, որ իրենց կործանիչների «թիրախը» սիրիական օբյեկտն էր, որից, իսրայելական կողմի կարծիքով, Իրանը պետք էր զենք փոխանցեր «Հըզբոլլահին»:

Այն պահին, երբ ռուսական ինքնաթիռը ոչնչացվել էր, իսրայելական կործանիչներն «արդեն Իսրայելի օդային տարածքում էին»:

 Իլ-20-ը ռադարներից անհետացել էր Լաթաքիա նահանգի վրա իսրայելական 4 F-16 ինքնաթիռների հարձակման ժամանակ, այս տարածքում գտնվում էր նաեւ ֆրանսիական Auvergne ֆրեգատը: Միջերկրական ծովի երկնքում Իլ-20-ի անձնակազմի հետ կապը կորել էր Սիրիայի ափերից 35 կմ հեռավորության վրա մոտ 23:00-ին:

Պն տվյալներով, իսրայելական օդաչուները պաշտպանվելով ռուսական ինքնաթիռով՝ նրան Սիրիայի ՀՕՊ-ի հարվածի տակ են դրել: Մահացել է 15 ռուս զինծառայող:

Ընդ որում Իսրայելը չէր զգուշացրել ռուսական հրամանատարությանը ծրագրվող գործողության մասին: Պաշտպանության նախարար Սերգեյ Շոյգուն հայտարարել էր, որ ոչնչացված Իլ-20-ի եւ անձնակազմի մահվան մեղքը ամբողջությամբ Իսրայելինն է:

Իսրայելը հերքում է իր մեղքը եւ պատասխանատվությունը դնում է Դամասկոսի, Իրանի եւ Լիբանանի «Հըզբոլլահ» շարժման վրա:

!
Այս նյութը հասանելի է նաև   English and Русский
Տպել
Ամենաշատ