ՀՀ վարչապետ Նիկոլ Փաշինյանը Նյու Յորք կատարելիք աշխատանքային այցը հետաձգել է, որպեսզի կարողանա քվեարկել սեպտեմբերի 23-ին կայանալիք Երեւանի ավագանու ընտրություններին։ Այս մասին նա հայտնեց այսօր՝ սեպտեմբերի 18-ին ֆեյսբուքյան ուղիղ եթերի ժամանակ։
«Ուզում եմ ձեզ մի գաղտնիք ասել։ Ինչպես գիտեք, ես պետք է մեկնեմ Նյու Յորք՝ ՄԱԿ-ի ԳԱ նստաշրջանին մասնակցելու։ Ինձ ասում էին՝ գրաֆիկն այնպիսին է, որ պետք է սեպտեմբերի 21-ին կամ 22-ին մեկնեմ, սակայն ես քվեարկելու համար ամեն ինչ հետաձգել եմ, որ սեպտեմբերի 23-ին քվեարկեմ ու նոր մեկնեմ Նյու Յորք, որ ընդգծեմ այդ մեկ ձայնի կարեւորությունը»,- ասաց Փաշինյանը:
Նա բոլոր քաղաքացիներին կոչ արեց կարեւորել իրենց քվեն, սեպտեմբերի 23-ին գնալ ընտրական տեղամասեր ու քվեարկել:
