Վենեսուելացիներին վրդովել է երկրի նախագահ Նիկոլաս Մադուրոյի ճաշը Ստամբուլի հայտնի Salt Bae ռեստորանում: Չինաստանից վերադառնալիս Մադուրոն կանգառ է կատարել Ստամբուլում: Նշված ռեստորանում ճաշելիս նա պատվիրել է թանկարժեք սթեյք, ինչը հայրենիքում վրդովմունք է հարուցել, որը տնտեսական ճգնաժամ է վերապրում, եւ միսը եզակի շքեղություն է համարվում, փոխանցում է Reuters-ը:

Թուրք հանրահայտ շեֆ խոհարար Նուսրեթ Գոքսեն, որը ռեստորանների ցանց ունի եւ հայտնի է ճաշատեսակների մեջ աղը գցելու իր յուրահատուկ ժեստով, տեսանյութ եւ լուսանկարներ է հրապարակել Instagram-ի եւ Twitter-ի իր էջերում, որոնցում պատկերված է տիկնոջ հետ ճաշող Մադուրոն:

Վենեսուելայի ընդդիմությունը քննադատել է Մադուրոյի արարքը՝ հայտարարելով, որ դա հաստատում է երկրի ճգնաժամից նրա կտրված լինելը, ինչի հետեւանքով ավելի քան 2 մլն մարդ է արտագաղթել՝ խուսափելու համար պարենի եւ դեղորայքի սուր պակասից:

Փետրվարին հարցումների մասնակցած վենեսուելացիների գրեթե երկու երրորդը հայտնել է, որ անցյալ տարի իրենք միջինը 11 կգ-ով նիհարել են:

Today I decided to stop following @nusr_ett You decided to erase this video but what you did remains. Shame on you! You cheered and served a tyrant responsable for the hunger, malnutrition and death of thousands of Venezuelans!
By the way, he is not a president. He is a dictator! pic.twitter.com/pddjPSEztO

— Marcel Imery (@NachoImery) September 17, 2018