Վենեսուելայի նախագահ Նիկոլաս Մադուրոն Ամերիկյան պետությունների կազմակերպության (OAS) գլխավոր քարտուղար Լուիս Ալմագրոյին «աղբ» է անվանել, գրում է «ՌԻԱ Նովոստիին»:
Ավելի վաղ, OAS-ի ղեկավարը հայտարարել էր, որ Վենեսուելայում իրավիճակը կարգավորելու համար չի կարելի բացառել գործողությունների ցանկացած տարբերակ, այդ թվում` ռազմական ներխուժումը:
«Ինչ վերաբերում է աղբին, որը OAS-ի ղեկավարն է...Նա գտնվում է պատմության աղբանոցում: Վենեսուելայն կանանց եւ տղամարդկանց երկիր է, որոնք կստիպեն այդպիսաի աղբին, ինչպիսին նա է, հարգել իրենց», —Կարակասում մամուլի ասուլիսին ասել է Մադուրոն: Նա Ալմագրոյին նաեւ կոչ է արել հարձակում նախապատրաստել, եթե այն ծրագրվում է:
«Մենք ձեզ այստեղ սպասում ենք», – նշել է նախագահ Մադուրոն: