News
Լրահոս
News
Երեքշաբթի
Հոկտեմբեր 26
Տեսնել լրահոսը

Սեւանա լճից ջուր վերցնել-չվերցնելու հարցով վարչապետի հանձնարարությամբ ստեղծվել է միջգերատեսչական հանձնաժողով, որն ամենօրյա ռեժիմով լինում է մարզերում եւ ստուգում Սեւանից բաց թողնվող 40 մլն ջրի օգտագործման պրոցեսը: Այս մասին, այսօր՝ սեպտեմբերի 19-ին, մամուլի ասուլիսի ժամանակ նշեց Տարածքային կառավարման եւ զարգացման  նախարար Սուրեն Պապիկյանը:

Նրա խոսքով, այս պահի դրությամբ Սեւանից արդեն բաց է թողնվել շուրջ 26,5 մլն խմ ջուր, որի օգտագործման վերաբերյալ ամեն օր զեկուցումներ են ներկայացվում կառավարություն:

«Հանձնաժողովն արդեն բազմաթիվ չարաշահումներ է հայտնաբերել: Խոսքը վերաբերում է թե նախօրոք ներկայացված 2800 հա ջրման կարիք ունեցող տարածքներին եւ իրական պայմանագրերին, թե ջրառի հատվածում ջրօգտագործման կոմիտեի հատվածում գտնվող պատկերներին: Այսինքն այն պահին, երբ ՋՕ-ն ջուրը վերցնում է, այդ հատվածում կարծես ամեն ինչ լավ է, բայց մինչեւ ՋՕ-ի կողմից դրա ստանձնումը, մենք ջրառի հատվածում ունենք ապօրինի ջրային խողովակներ, որոնք սպասարկում են տարբեր հողօգտագործողների, համայնքների: Մենք ունենք բազմաթիվ պայմանագրեր չունեցող հողատարածքներ, եւ գյուղացիներն ասում են՝ այո, մենք դրա համար վճարում ենք, բայց վճարում ենք ավելի ցածր սակագին եւ մեզ ձեռնտու է այդքան վճարել: Այսինքն ունենք պաշտոնյաներ, որոնք քաջ իմանալով սրա մասին, շարունակում են չվերահսկել ջրային  պաշարները եւ Սեւանը շատերի համար շարունակում է հանդիսանալ անսպառ ջրային պաշար, որից կարելի է մշտապես օգտվել ու գումարներ գերենացնել, որոնք չեն մտնում բյուջե»,-հայտարարեց նախարարը:

Ավելի վաղ NEWS.am-ը հայտնել էր, որ այս տարի որոշվել է Սեւանից լրացուցիչ 40 մլն խմ ջուր վերցնել: Այսինքն սահմանված առավելագույն 170 մլն խմ-ից բացի այս տարի Սեւանից կվերցվի լրացուցիչ 40 մլն խմ ջուր: Համեմատության համար նշենք, որ 2017-ին Սեւանից լրացուցիչ ջրառը կազմել է 100 մլն խմ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստան. հունվար-սեպտեմբեր ամիսներին Ռուսաստանի քաղաքացիություն է ստացել ավելի քան 34 000 մարդ
Սահմաններին չդադարող սադրանքները, մոտ ապագայի անորոշությունը ստիպում են շատերին ապրելու ապահով վայր փնտրել․․․
Դոլարի փոխարժեքը աճել է. եվրոն աննշան էժանացել է
Թանկարժեք մետաղների համար բանկի կողմից սահմանվել են հետևյալ գները...
ՀՀ ՊԵԿ-ը և Իտալիայի հարկային ծառայությունը քննարկել են տրանսֆերային գնագոյացման ոլորտում ծրագրերը
Աշխատանքային քննարկում են անցկացրել «Հարկային տեսուչներ առանց սահմանների» ծրագրի շրջանակում...
ԿԲ. ՀՀ-ում կապիտալ ծախսերի ծրագրի ցուցանիշները եւ տնտեսական աճի կանխատեսումները ավելի բարձր են, քան նախորդ տարիներին
«Ընդ որում, պետական ​​պարտքի ցուցանիշը կնվազի 0.7 տոկոսով...
Ֆիննախ. Հայաստանում գնաճը կսահմանափակվի միայն օբյեկտիվ գործոններով, այլ ոչ թե՝ աժիոտաժային տրամադրություններով
«Հայաստանն այս տարին ստիպված կլինի փակել գնաճի բարձր ցուցանիշով...
Ֆիննախ. 2022թ. ՀՀ տնտեսական աճի հիմնական շարժիչը կարող են դառնալ շինարարությունը եւ արդյունաբերությունը
Հաջորդ տարի ակնկալում ենք, որ գնաճի միջավայրը կվերադառնա թույլատրելիի սահմաններ, ասել է ֆինանսների նախարարը...
Ամենաշատ