Քարոզարշավին մնացել է երկու օր, եւ Երեւանը կանգնած է պարզ ընտրության առաջ` հավերժ միտինգ, թե համառ աշխատանք: Այս մասին Facebook-ի իր էջում գրել է Երեւանի քաղաքապետի ԲՀԿ-ական թեկնածու Նիրա Զոհրաբյանը:
«Սրանք շատ կարեւոր երկու օրեր են եւ ես կոչ են անում բոլոր թեկնածուներին /բացառությամբ մեկի/ այս երկու օրերին խոսել միայն քաղաքի եւ քաղաքացու հոգսերից, Երեւանի կոնկրետ խնդիրներից։ Սա կլինի մեր միասնական պատասխանը հայհոյանքին, թշնամանքին, հասարակությանը սեւի ու սպիտակ բաժանելու կոչերին։
Չեմ թաքցնում` ես գնում եմ ընտրության` Գագիկ Ծառուկյանի օգնությամբ նախապես ունենալով մի շարք խոշոր օտարերկրյա նեդրողների հետ պայմանավորվածություններ՝ գալ Երեւան, իրականացնել կոնկրետ ծրագրեր, օգնել լուծել Երեւանի տասնամյակներով չլուծված խնդիրները։ Կան մշակված ներդրումային փաթեթներ, որոնք շատ արագ կարող են կյանքի կոչվել։
Ես պաշտոնապես հայտարարում եմ` իմ հաղթանակի դեպքում ավագանու ընտրություններին մասնակցող բոլոր ուժերը ստանալու են հրավեր՝ Երեւանը միասին կառավարելու։ Մեր հաղթանակի դեպքում տարբեր ոլորտների լավագույն մասնագետները ստանալու են հրավեր՝ Երեւանը միասին կառավարելու»: