News
Լրահոս
News
Երկուշաբթի
Հոկտեմբեր 15
Տեսնել լրահոսը

Դեղին ու կարմիր քարտերով է այսօր՝ սեպտեմբերի 19–ին, «Ժառանգության» քաղաքապետի թեկնածու Րաֆֆի Հովհաննիսյանը անցկացրել քարոզարշավը։ Արաբկիր վարչական շրջանի բակերից մեկի ֆուտբոլի դաշտում «Ժառանգության» անդամները ֆուտբոլի ընկերական հանդիպում են կազմակերպել՝ Րաֆֆի Հովհաննիսյանի մրցավարությամբ։

Լրագրողների հարցին՝ կա՞ քաղաքապետի որեւէ թեկնածու, որին դեղին քարտ ցույց կտար,  Րաֆֆի Հովհաննիսյանը պատասխանեց. «Ես կարծում եմ, սրա հնարավորությունը պետք է դրված լինի բոլորիս առջեւ, որեւէ մեկը օրենք, Սահմանդրություն խախտի, պետք է կիրառվի, բայց կիրառվի հավասարապես բոլորին, անխտիր»։

Նա խոստովանեց, որ երբեք մրցավար չի եղել, ոչ էլ հավակնում է կանոնագրքի բոլոր հոդվածները իմանալու։

Լրագրողները հարցրին Րաֆֆի Հովհաննիսյանի կարծիքը քարոզարշավի՝ սիրո եւ համերաշխության մթնոլորտում անցնելու մասին։ Թեկնածուն ասաց, որ մթնոլորտը հենց այդպիսին է. «Ժպտուն մթնոլորտ է, կան շեղումներ նախընտրական, որոնք կհաղթահարվեն մի քանի օրվա ընթացքում, հուսով ենք։ Բայց պիտի հետեւողական լինենք, որ դրանք շատ չխորանան մեր հասարակության մեջ, որովհետեւ մեր արտաքին ու ներքին մարտահրավերները այնքան շատ են, որ մենք նման շռայլություն չենք կարող թույլ տալ»։

Նրա համոզմամբ՝ հետընտրական Երեւանը պիտի ունենա սիրո, համերաշխության, թեկուզ մրցակցային, միասնության հենք. «Ես չեմ ուզում, որ մենք դառնանք որեւէ մի գույն՝ առանձին վերցրած, մենք պետք է այդ բազմազանությունը՝ հայաստանցու, պահպանենք եւ ընտրությունը սրա մասին է»։

«Հեղափոխությունը կիսավարտ է, բոլորս գիտենք եւ հույս ունենք, որ Աստված կտա մեզ այդ իմաստությունը, որ այդ զգացմունքային հզոր վերելքը, որ մեր ազգը ապրեց, կդառնա նաեւ պետական ինստիտուտներով առաջնորդվող աշխատանք». ասաց Րաֆֆի Հովհաննիսյանը։

Նա ենթադրեց, որ քարոզչական կրքերը թեժ կմնան որոշ  ժամանակ եւ հույս հայտնեց, որ դրանք կլինեն խաղաղության սահմանում։

Քաղաքական ուժերի միջեւ հակաքարոզչության մասին լրագրողների հարցին, Հովհաննիսյանը պատասխանեց. «Առիթ եղել է առանձին–առանձին փոքր բանավեճերի, ցավոք սրտի, փոխադարձ հարթակային փոխհրաձգությունը որոշ ուժերի միջեւ անցնում է քաղաքակրթության սահմանը»։ 

Րաֆֆի Հովհաննիսյանը հայտնեց, որ վաղն ինքը մասնակցելու է Հանրային  հեռուստաընկերության հրավիրած բանավեճին։ Հույս հայտնեց, որ մյուս թեկնածուներն էլ կներկայանան։ 

Նախընտրական քարոզչությունը ֆուտբոլի ձեւաչափով անցկացնելու մասին NEWS.am-ի հարցին, Րաֆֆի Հովհաննիսյանը պատասխանեց, որ դա «Ժառանգության» երիտասարդների նախաձեռնությունն է։

Ինքը նախկինում ամերիկյան ֆուտբոլ է խաղացել։

 «Արդեն 30 տարի Հայաստանում եմ եւ ընտրել եմ հայաստանյան ֆուտբոլը։ Սիրում եմ վերջնախաղը, ինձ հուզում է ավելի շատ համաստեղությունը , քան աստղերը առանձին վերցրած»,–պատկերավոր նկարագրեց Րաֆֆի Հովհաննիսյանը։

Խաղի առաջին րոպեներից արդեն «Ժառանգության» քաղաքապետի թեկնածու Րաֆֆի Հովհաննիսյանը եզրակացրեց. «Ինձնից մրցավար դուրս չի գա»։ «Ժպտա» գրառմամբ՝ դեղին ու կարմիր քարտերը փոխանցեց «Ժառանգության» վարչության նախագահ Արմեն Մարտիրոսյանին։

Բակի երեխաները միացան ֆուտբոլ խաղացողներին՝ Րաֆֆի Հովհաննիսյանի համաձայնությամբ. «Չե՞ք կարծում, որ թիմերը պետք է քաղաքացիական թարմացում ապրեն»,–ասաց նա։ Ապա հավելեց. «Մեր քաղաքական թիմերին միացան մեր երիտասարդները, եւ այդտեղ է իսկական հույսը»։

Ֆուտբոլային հանդիպումների մասին հարցին ի պատասխան Րաֆֆի Հովհաննիսյանը ասաց. «Խաղերի ժամանակ, եթե Հայաստանը չի խաղում, ես թույլի կողմնակիցն եմ»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱԺ խմբակցությունները վաղը Ընտրական օրենսգրքի փոփոխությունները կքննարկեն Արարատ Միրզոյանի հետ
Հիշեցնենք, որ ՀՀ վարչապետ Նիկոլ փաշինյանն ավելի վաղ հայտարարել էր, որ հոկտեմբերի 16-ին հրաժարական կտա, իսկ արտահերթ խորհրդարանական ընտրությունները տեղի կունենան դեկտեմբերի 9-10-ին...
Հիմա եթե դրեցինք դեկտեմբերին, ցուրտ ա, ձմեռ ա, քարոզարշավ ա. Ծառուկյանը՝ արտահերթ ընտրությունների մասին
Եթե այսօր անհրաժեշտ է ժողովրդին, մենք կողմ ենք…
Փաշինյանն ու ՀՅԴ-ականները հանդիպել են. նրանք պայմանավորվել են առաջիկա օրերին շարունակել հանդիպումները
Քննարկվել են Հայաստանի ներքաղաքական իրավիճակին, առաջիկա զարգացումներին վերաբերող...
ՀՀ նախագահը խորհրդակցությունների շարք է սկսել ԱԺ խմբակցությունների հետ. արդեն հանդիպել է Վահրամ Բաղդասարյանի հետ
Վահրամ Բաղդասարյանը վերահաստատել է ՀՀԿ խմբակցության այն հայտարարությունը, որ չընդունելով հանդերձ դեկտեմբերին արտահերթ խորհրդարանական ընտրություններ անցկացնելու վերաբերյալ փաստարկները...
Կառավարությունը որոշեց. 4 համայնքներում արտահերթ ընտրություններ տեղի կունենան 2019-ի փետրվարի 17-ին
Գեղարքունիքի մարզի Ակունք համայնքի ղեկավար Արծրուն Ղարիբյանը 2018 թվականի օգոստոսի 17-ին հրաժարական էր ներկայացրել: Նա գյուղապետ էր ընտրվել 2015 թվականի հունիսի 7-ին...
Դեկտեմբերին ԱԺ արտահերթ ընտրություններիւ համար ԸՕ փոփոխությունները պետք է ընդունվեն այս ամիս. Իոաննիսյան
Նրա խոսքով, եթե այս ամիս ընդունվի նախագիծը, ապա կհասցնեն ընտրություններն անցկացնել նոր օրենսգրքով...
Ամենաշատ
Partner news