News
Լրահոս
News
Կիրակի
Հունիս 16
USD
478.4
EUR
539.06
RUB
7.43
ME-USD
0.15
Տեսնել լրահոսը


Շատ շնորհակալ եմ, որ պարոն վարչապետը արձագանքել է, կարծում եմ փաստերը, որ այսօր տրամադրել եմ Ոստիկանությանը, բավարար կլինեն հարգարժան վարչապետին հասկանալու համար, որ ամոթը իր քաղաքական թիմինն է, ամոթը իր դաշինքի ավագանու անդամներինն է, ովքեր ամենաանբարո, ամենախուլիգան, ամենանբարոյական հայհոյանքներն են հասցրել ինձ, իմ երեխային, իմ ծնողներին, իմ մահացած հորը։ Այս մասին այսօր՝ սեպտեմբերի 19–ին ասաց Երեւանի ավագանու ԲՀԿ ցուցակը գլխավորող թեկնածու Նաիրա Զոհրաբյանը՝ Մատենադարանի հարակից տարածքում անցկացվող քարոզարշավի ժամանակ։

Նա հավաստեց, որ չի ներելու. «Ամբողջ կյանքս դնելու եմ, որ դուք բոլորդ՝ հատ–հատ, իրավական հարթության մեջ պատասխան տաք դրա համար։ Սա ես դարձնելու եմ իմ կյանքի նպատակը»։

Զոհրաբյանը զգուշացրեց, որ առաջիկա օրերին միջազգային կառույցներից շատ կոշտ եւ խիստ գնահատականներ են հնչելու. «Դուք ամենավատ ծառայությունը մատուցեցիք Նիկոլ Փաշինյանին եւ Հայաստանի Հանրապետության հեղինակությանը»։ 

«Որքան հայհոյել եք, այնքան իմ վարկանիշը բարձրացել է, որովհետեւ սթափ, ադեկվատ մարդիկ, որոնք, այո, մեր երկրում կան, շատ են, բազմաթիվ են, հասկացել են, որ դուք ոչնչություն եք»,–ասաց քաղաքապետի ԲՀԿ թեկնածուն։

Հիշեցնենք, որ երեկ Աջափնյակում, «Իմ քայլը» դաշինքի նախընտրական քարոզարշավի ժամանակ, վարչապետ Փաշինյանին լրագրողները հարց էին ուղղել քարոզարշավի ընթացքում պետական մակարդակով տեռորի ահազանգի մասին։ Նիկոլ Փաշինյանն ասել էր, որ ինքն անպայման կզբաղվի, տեսնի՝ով է տեռոր անում թեկնածուի հանդեպ։ Դիտարկմանը՝ արդյոք  որեւէ թեկնածուի դեմ աշխատանք չի՞ տարվում, վարչապետը պատասխանել էր. «Ամոթ է տենց բանի մասին խոսելը, ինչի՞ մասին է խոսքը։ Եթե տենց բան պարզվի, կպատժվի ցանկացած մեկը»։ 

Նշենք նաեւ, որ Ոստիկանությունն այսօր Նաիրա Զոհրաբյանից կոնկրետ փաստեր էր պահանջել նախընտրական տեռորի մասին։ Զոհրաբյանը տրամադրել էր, իր խոսքով, Սփյուռքի եւ Կրթության նախարարությունների որոշ աշխատակիցների, «Իմ քայլը» դաշինքի ցուցակի ավագանու անդամների, «Քաղաքացիական պայմանագիր» կուսակցության անդամների ֆեյսբուքյան հայհոյական գրառումներ, ինչպես նաեւ իր հասցեին սպառնալիքի փաստեր։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Առաջիկա ՏԻՄ ընտրություններին գրանցված համայնքի ղեկավարի 46 թեկնածուներից 3-ը ինքնաբացարկի դիմում է ներկայացրել
Ավագանու անդամի գրանցված 100 թեկնածուներից ինքնաբացարկի դիմում է ներկայացրել 3 թեկնածու...
Արմավիրի Զարթոնք համայնքում գյուղապետի արտահերթ ընտրություններ կկայանան սեպտեմբերի 29-ին
Պարույր Սարգսյանը համայնքի ղեկավարի պաշտոնում ընտրվել էր 2016 թվականի սեպտեմբերի 18-ին, սակայն 2019-ի ապրիլի 13-ին հրաժարականի դիմում է ներկայացրել...
Չզարմանաք, որ մեկ տարի հետո 2017-ի ընտրությունների հետ կապված քրեական գործ հարուցվի. Ալեն Սիմոնյան
Ես այն մարդն եմ, որ լրագրողներին կոչ եմ արել Ռոբերտ Քոչարյանին եւ Սերժ Սարգսյանին երբեք նախագահ անունով չդիմել…
Շիրակի մարզի Գետափ եւ Գեղարքունիքի Վանեւան համայնքների ղեկավարների արտահերթ ընտրությունը կլինի սեպտեմբերի 29-ին
Մեկ այլ որոշմամբ, սեպտեմբերի 29-ին տեղի կունենա նաեւ Գեղարքունիքի մարզի Վանևան համայնքի ղեկավարի արտահերթ ընտրություն...
Նոր Նորքի նախկին թաղապետ Արմեն Ուլիխանյանը ԱԺ ընտրությունների ժամանակ ընտրակաշառք է բաժանել՝ իր թեկնածու եղբոր համար
Նյութերի նախապատրաստման ընթացքում պարզվել է, որ հիշյալ պաշտոնատար անձինք մի խումբ անձանց տվել են 10․000 դրամ ընտրակաշառք...
Արարատի մարզի Արեւաբույր համայնքի ավագանու արտահերթ ընտրությունը տեղի կունենա սեպտեմբերի 29-ին
Ավագանու անդամներ Արա Մարգարյանը եւ Նարեկ Ասլանյանը ս.թ. փետրվարի 19-ին հրաժարականների դիմումներ են ներկայացրել...