Ճապոնական Tech Bureau Corp առցանց բորսայից գողացվել է մի քանի տեսակի կրիպտոարժույթ, այդ թվում` բիթքոին: Ընդհանուր առմամբ վնասը կազմել է 6,7 մլրդ իեն (մոտ 60 մլն դոլար), հաղորդում է Kyodo-ն:
Kyodo-ի տվյալներով, առցանց բորսան կոտրել են անցյալ ուրբաթ՝ սեպտեմբերի 14-ին: Ընդ որում գործակալությունում նշել են, որ բորսայի ներկայացուցիչները կոտրելու փաստը հայտնաբերել են ընդամենը չորս օր հետո:
Հաղորդվում է, որ անհայտ անձինք մոտ 2 ժամ հարձակում են գործել բորսայի վրա: Այդ ընթացքում նրանք կարողացել են գողանալ մի քանի տեսակի կրիպտոարժույթ: Դրանց մեծ մասը՝ 4.5 մլրդ իենը կամ 40 մլն դոլարը, պահպանվում էին որպես բորսայի հաճախորդների դեպոզիտներ, գրում է Gazeta-ն:
