News
Լրահոս
News
Չորեքշաբթի
Դեկտեմբեր 12
Տեսնել լրահոսը

Կառավարությունն այսօրվա՝ սեպտեմբերի 20-ի իր նիստում որոշեց նվազեցնել «Արմսանպրոդակտ» ՍՊԸ-ի կողմից Նորագավիթ թաղամասին հարող տարածքում 60 հա կիսափակ ջերմոցային համալիր կառուցելու համար անհրաժեշտ ներդրումների ծավալը եւ երկարաձգել իրականացման ժամկետը:

Հարցը կառավարության նիստում ներկայացրեց Գյուղատնտեսության նախարար Արթուր Խաչատրյանը՝ նշելով, որ սա «Սպայկա» եւ «Արմսանպրոդակտ» ընկերությունների ծրագիրն է, որով նախատեսվում է լոլիկի արտադրության ջերմոց եւ բորբոսի պանրի արտադրության արտադրամաս ստեղծել:

Նշենք, որ ներդրումային ծրագրով լոլիկի արտադրության ջերմոցային համալիրի համար անհրաժեշտ ներդրումները գնահատվել էին մոտ 133 մլն ԱՄՆ դոլար, իսկ շինարարության ավարտը՝ 2018 թվականի ամռանը։ Մինչդեռ ներդրումային ծրագրի ֆինանսավորման եւ ջերմոցային համալիրի մատակարարման ժամկետներով, ինչպես նաեւ ընկերության ներդրումային ծրագրի իրականացման համար անհրաժեշտ «Երեւան ՋԷԿ» ՓԲԸ-ի միջոցով էլեկտրաէներգիային մատակարարմամբ պայմանավորված ներդրումային ծրագրի ինժիներատեխնիական առաջարկում համապատասխան փոփոխություններով  պայմանավորված անհրաժեշտություն է առաջացել ներդրումների ծավալներում եւ շինարարության ավարտի ժամկետներում կատարելու փոփոխություններ եւ ներդրումային արժեքը սահմանել 88 մլն ԱՄՆ դոլար, իսկ շինարարության ավարտը՝ 2019 թվականի դեկտեմբերին։

Նախատեսվում է շուրջ 88 մլն ԱՄՆ դոլարին համարժեք դրամի ներդրումների հաշվին մինչեւ 2020 թվականը ամայացած 60 հա հողամասի վրա կառուցել կիսափակ ջերմատնային համալիր, որը հնարավորություն կտա ստեղծելու ավելի քան 700  մշտական աշխատատեղ, կընդլայնվի ջերմոցային արտադրանքի արտադրության եւ արտահանման ծավալները։

Արթուր Խաչատրյանը նշեց, որ արդեն շինարարությունն ընթանում է:

ԿԳ նախարար Արայիկ Հարությունյանը մտահոգություն հայտնեց, որ 133 մլն դոլարի ներդրումային ծրագիրը նվազում է մինչեւ 88 մլն դոլարի: Այս առնչությամբ վարչապետ Նիկոլ Փաշինյանն ասաց. «Ես պարոն Հարությունյանի մտահոգությունը հասկանում եմ հետեւյալ կերպ. Խոստացվել է X քանակի ներդրում եւ նվիրաբերվել է հող: Հիմա պակասեցնենք, հետո էլի պակասեցնենք, վերջում ներդրումը չլինի, լինի այնպես, որ հողը նվիրեցինք իրեն: Եթե մենք ունենք երաշխիքներ, որ ներդրումները իրականացվելու է, դա այլ թեմա է»:

Առաջին փոխվարչապետ Արարատ Միրզոյանն ասաց, որ ներդրումները նվազել են ոչ ներդրողի մեղքով, այլ «Երեւան ՋԷԿ»-ի, որը պարզվում է, այդքան էլեկտրաէներգիա չի կարող տրամադրել:

Արայիկ Հարությունյանն էլ նկատեց. «Բա ներդրումային ծրագիրը քննարկելիս դա հաշվի չի՞ առնվել»: Նա առաջարկեց հարցը եւս մեկ անգամ քննարկել:

Նիկոլ Փաշինյանը եւս առաջարկեց հասկանալ, թե արդյոք ներդրումներն սկսվել են եւ աշխատանքն առաջ է գնում:

Փոխվարչապետ Մհեր Գրիգորյանն էլ առաջարկեց ծրագիրը հաստատել, բայց պայման դնել, որ եթե ներդրումները չարվեն կամ կիսատ արվեն, հողը հետ ենք վերցնում:

Ի վերջո, որոշումն ընդունվեց: Նիկոլ Փաշինյանը նշեց, որ քանի որ պայմանագիրը կնքվել է Երեւանի քաղաքապետարանի հետ, ապա այժմ եւս որոշումը պետք է ուղարկվի Երեւանի ավագանի:

Տպել
Կարդացեք նաև
Ամբողջը
Դոլարը շարունակում է թանկանալ. Եվրոն էժանացել է
Թանկարժեք մետաղների համար բանկի կողմից սահմանվել են հետեւյալ գները...
11 ամսում անհատ տաքսի վարելու 579 նոր լիցենզիա է տրվել
Քաղաքացիներից ստացված դիմում-գրություններին ընթացք է տրվել օրենքով սահմանված կարգով եւ ժամկետներում...
Եվրամիությունը Հայաստանին 40 մլն եվրո կտրամադրի հյուսիսային շրջանների զարգացման համար. Եմ դեսպան
«Եվրամիությունը մտադիր է աջակցել Հայաստանին մարզերի անհամաչափ զարգացումը վերացնելու համար», - ասաց նա....
Հայաստանն արեւելյան գործընկերության երկրների շրջանում ՀՆԱ-ում ՓՄՁ-ի մասնաբաժնով աութսայդերների թվում է. Սվիտալսկի
Երեք տարի առաջ ՓՄՁ-ն Հայաստանում համարվում էր սոցիալական խնդիրներ լուծելու, աղքատության եւ գործազրկության դեմ պայքարի գործիք....
Դոլարի փոխարժեքը նվազել է 485 դրամից. Եվրոն թանկացել է
Թանկարժեք մետաղների համար բանկի կողմից սահմանվել են հետեւյալ գները...
Շնորհակալություն, որ արձագանքում ենք մեր կոչին՝ հարստացեք եւ հարստացրեք. Փաշինյան
Սա 100 տոկոսվ համապատասխանում է տնտեսական հեղափոխության մեր պատկերացումներին, երբ մարդիկ կապ չունեն կառավարության հետ...
Ամենաշատ
Partner news