Ամերիկայի հայ դատի հանձնախումբը ԱՄՆ քաղաքացիական ավիացիայի դաշնային վարչությանը կոչ է արել աջակցել ԱՄՆ–ից Հայաստան ուղիղ չվերթի գործարկմանը։
Նամակում, որը տարածվել է Հայաստանի անկախության օրվա նախօրեին, Հայ դատի հանձնախմբի նախագահ Րաֆֆի Համբարյանը կոչ է արել վարչության ժամանակավոր պաշտոնակատար Դեն Էլվելին փոխգործակցել ՀՀ քաղավիացիայի ղեկավարության հետ ուղիղ չվերթի գործարկման ուղղությամբ կոնկրետ քայլերի համար։
Հայ դատի հանձնախմբի մամուլի հաղորդագրությունում նշված է, որ ԱՄՆ–ից Հայաստան թռիչքների պահանջարկը շարունակում է աճել։