News
Լրահոս
News
Հինգշաբթի
Դեկտեմբեր 13
Տեսնել լրահոսը


Գազալցակայաններում ու ամենուր տեղադրած խաղային ապարատները պետք է դուրս բերվեն եւ դա պետք է անել հնարավորինս արագ: Այս մասին, այսօր՝ սեպտեմբերի 20-ին, կառավավության նիստում հայտարարեց ՀՀ վարչապետ Նիկոլ Փաշինյանը՝ ոլորտին վերաբերող օրենսդրական փաթեթի քննարկման ժամանակ: Փաթեթը ներկայացրել էին ԱԺ պատգամավորներ Նաիրա Զոհրաբյանն ու Ալեն Սիմոնյանը:

Հարցը ներկայացրեց ֆինանսների նախարար Ատոմ Ջանջուղազյանը՝ նշելով, որ ներկայացված փաթեթով, մասնավորապես, առաջարկվում է առաջարկվում է ստուգման պահանջ դնել տարիքային այն քաղաքացիների համար, որոնք մասնակցում են խաղին, առաջարկվում է սահմանափակել մոլախաղերով սահմանափակ գործունակ ճանաչված անձանց մասնակցությունը, եւ նախատեսվում է որոշակի կարգ՝ այդ սահմանափակումը կիրառելու համար:

Առաջարկվում է նաեւ սահմանափակել վիճակախաղերի տարածքները, մասնավորապես, կիրառել այն մոտեցումը, որը այսօր գործում է խաղատների համար, այսինքն դրանք կարող են կազմակերպվել միայն 4 քաղաքներում՝ Ծաղկաձոր, Ջերմուկ, Սեւան եւ Մեղրի:

Առաջարկներով սահմանափակում է առաջարկվում նաեւ կանխիկ միջոցների հաշվի խաղին մասնակցելը, նաեւ հանրային օբյեկտներում արգելափակել նման խաղերի կազմակերպիչների կայքերը:

Այնուհետեւ Ջանջուղազյանը ներկայացրեց օրինագծի վերաբերյալ կառավարության առաջարկությունները:

Մասնավորապես, առաջարկվում է ֆինանսական երաշխիքի առկայության պահանջ սահմանել, որը կապահովի  շահումային ֆոնդի խաղարկությունների ողջ ընթացքը և ուղղված կլինի մասնա¬կից¬ների շահերի պաշտպանության ապահովմանը: Պետք է նաև սահմանել  ֆինանսական երաշ¬խիքի նկատմամբ պահանջներ, որոնք ուղղված կլինեն վիճակախաղի մասնակիցների շահերի պաշտպանությանը:

Ինչ վերաբերում է հանրային օբյեկտներում նման խաղերի կազմակերպիչների կայքերի արգելափակման առաջարկին, Ատոմ Ջանջուղազյանը նշեց, որ նախ դա լրացուցիչ ախսերի հետ է կապված, երկրորդ խտրական մոտեցում կլինի, քանի որ դա կվերաբերի միայն ՀՀ-ում գրանցված կազմակերպություններին, իսկ ոչ ՀՀ տարածքում գրանցվածների կայքերը կմնան հասանելի: Ջանջուղազյանն առաջարկեց ձեռնպահ մնալ այդ առաջարկից:

Վարչապետ Նիկոլ Փաշինյանն այս առնչությամբ նկատեց, որ եթե լինեն սահմանափակումներ, դրանք վերաբերելու են հայկական կազմակերպություններին, մյուսներին չեն վերաբերելու. «Ես արդեն ոլորտի ներկայացուցիչներից մտահոգություններ եմ ստացել, որ իրենց հետ բավարար չափով քննարկումներ չեն եղել: Կարծում եմ՝ այս փուլում, ակնհայտ է, որ նախագիծը հավելյալ քննարկումների կարիք ունի: Այս ոլորտում լուրջ խնդիրներ ունենք, որը պայմանավորվել ենք, որ կլուծենք: Այս փուլում մեր պայմանավորվածությունը պետք է լինի, որ այս առաջարկություններում նախագիծն ուղարկվի, բայց քննարկումները շարունակվեն»,-ասաց նա:

Փոխվարչապետ Տիգրան Ավինյանը նկատեց, որ եթե այս ոլորտի գործունեությունը թույլ տրվի իրականացնել միայն 4 քաղաքներում, աշխատատեղերի լուրջ կրճատում է լինելու, խոսքը մի քանի հազար մարդու մասին է. «Այս հարցում պետք է զգույշ լինենք եւ ուշադիր: Սա պետք է անել փուլային եւ զգույշ»:

Նիկոլ Փաշինյանը խոսեց նաեւ գազալցակայաններում շահումով ավտոմատների մասին, նշելով, որ դրանք լուջ պրոբլեմներ են առաջացնում. «Դրանք պետք է այդտեղից հանվեն: Երբ նայում ենք մեր տնտեսական աճի ցուցանիշները, պարզվում է, որ այդ խաղային ավտոմատները դարձել են մեր տնտեսական աճի առաջատար ճյուղը: Սա աբսուրդ է: Մի կողմից աղքատությունն է խրախուսվում, մյուս կողմից, կներեք բառիս համար, «ղումարբազությունն» է խրախուսվում: Պետք է ոչ մեկը խրախուսենք, ոչ մյուսը:

Ժամկետի հետ կապված, այս խնդիրը պետք է լուծել հնարավորինս շուտ: Երկրորդ, պետք է հասկանալ ու այնպես չանել, որ ոլորտի կազմակերպություններից ոմանք շահեն, ոմանք տուժեն: Առաջնայինը հանրային շահն է, եւ չստացվի, որ մեր քայլով որեւէ ընկերության աջակցում ենք մյուսների հաշվին»:

Փաշինյանը նշեց, որ իրենց քայլարշավի ժամանակ գրեթե բոլոր համայնքներում այդ հարցը բարձրացվել է, անգամ այն մարդկանց կողմից, որոնք տրվում են գայթակղությանը եւ օգտվում այդ ավտոմատ սարքերից:

Նա ընդգծեց, որ ցավոք այսօր Հայաստանի տնտեսությունը բնորոշվում է որպես ոչ տեխնոլոգիական գյուղատնտեսություն ունեցող. «Երկրորդը մոլախաղերի զարգացում, երրորդը ընդերքի արտահանում: Այս տնտեսական կառուցվածքը չի կարող մեզ ձեռնտու լինել: Մենք ուզում ենք, որ տնտեսական կառուցվածքը ունենա հետեւյալ կառուցվածքը՝ բարձր տեխնոլոգիական արտադրություն, ՏՏ ոլորտ, թեթեւ արդյունաբերություն, վերականգվող գյուղատնտեսություն եւ մենք պետք է գնանք շատ լուրջ քայլերի, որ դա տեղի ունենա: Այս ընթացքում մենք որոշակի դժվարություններ ունենալու ենք, բայց պետք է գնալ այդ ուղղությամբ»:

Ի վերջո, կառավարությունը որոշեց, որ իրենց առաջարկություններով նախագիծը կներկայացնեն ԱԺ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ով ուզում է ՀԲ-ի հանձնարարականներն ավելի շուտ կատարել, քան վարչապետի, թող գնա աշխատի ՀԲ-ում. Փաշինյան
Ինչո՞ւ չենք շտապում վարչապետի հանձնարարականները կատարել...
Դոլարն ու եվրոն շարունակում են թանկանալ
Թանկարժեք մետաղների համար բանկի կողմից սահմանվել են հետեւյալ գները...
Այդ համաձայնագրի սեփականատերը ոչ թե ՀԲ-ն է, այլ ՀՀ կառավարությունն է. Ջանջուղազյանի կոշտ արձագանքը
«Արտասահմանյան ֆինանսական ծրագրերի կառավարման կենտրոնը» կմտնի ֆիննախի կազմ…
Վայ այն պաշտոնյաներին, որոնք իմ հանձնարարականները չեն կատարել. էսօրվանից թող վեշերը հավաքեն. Փաշինյանը բարկացավ
Մենք այսքան խոսել ենք, որ էս երկիրը կառավարվում է ԾԻԳ-իզմի, ՊՈԱԿ-իզմի տրամաբանությամբ, եւ ամեն անգամ, երբ բանը գալիս է հարցեր լուծելուն, պարզվում է՝ նորից պետք է քննարկենք: Ոչ մի բան նորից պետք է չքննարկենք…
Նոր որոշում. Փակել Աջափնյակի և Նուբարաշենի գործող աղբավայրերը եւ կառուցել տարածաշրջանային նոր աղբավայր
Ներդրողներին հետաքրքիր է որակյալ աղբը...
Կկառուցվեն մոդուլային դպրոցներ, որտեղ գույներն ու մթնոլորտն ավելի նպաստավոր է. Արարատ Միրզոյան
Կառավարությունը հաստատեց սեյսմիկ անվտանգության առումով խոցելի 26 գերակա դպրոցների ցանկը...
Partner news