Երեւանի ավագանու ընտրություններում բոլոր տեսակի գործողություններն ու գնահատականները մեզ իհարկե, ցավ պատճառում են, բայց անմիջապես չեն վերաբերում: Այս մասին, այսօր՝ սեպտեմբերի 20-ին, Հայաստանի խորհրդարանի 100-ամյակին նվիրված միջոցառման ժամանակ լրագրողների հետ զրույցում նշեց ՀՀԿ խմբակցության պատգամավոր, ՀՀԿ փոխնախագահ Արմեն Աշոտյանը:
«Ես կցանկանամ, որ այս շաբաթվա ավարտը եւ բուն ընտրությունները դառնան բյուրեղացման հնարավորություն հասարակության համար, որտեղ քաղաքական վերնախավը իր ուրույն որոշիչ դերը պետք է խաղա»,-ասաց նա՝ հիշեցնելով, որ ՀՀԿ-ն այդ ընտրություններին չի մասնակցում: