Իրանի նախագահ Հասան Ռուհանին շաբաթ ԱՄՆ նախագահ Դոնալդ Թրամիին զգուշացրել է, որ նա չի կարողանա հաղթել Իրանին, ինչպես դա չհաջողվեց Իրաքի նախագահ Սադամ Հուսեյնին: Այս մասին հաղորդում է ՏԱՍՍ-ը՝ հղում անելով Press TV հեռուստաալիքին:
«Նույնը տեղի կունենա Թրամփի հետ: ԱՄՆ-ին սպասվում է նույն ճակատագիրը, ինչ եւ Սադամ Հուսեյնին», - Թեհրանում իրանա-իրաքյան պատերազմի 38-ամյակին նվիրված զորահանդեսին ասել է Ռոհանին:
Նա հավելել է, որ Իրանը մտադիր չէ մոռանալ իր պաշտպանական զենքերի, այդ թվում` հրթիռների մասին, որոնք, նրա խոսքով, «այդքան զայրացնում են Միացյալ Նահանգներին»:
Սադամ Հուսեյնը տապալվեց 2000-ականների սկզբին ԱՄՆ-ի կողմից Իրաք ներխուժելուց հետո եւ մահապատժի ենթարկվեց Իրաքի դատարանի վճռով:
