News
Լրահոս
News
Երեքշաբթի
Հոկտեմբեր 16
Տեսնել լրահոսը

Արտաշատում աշխատանքային այցի շրջանակներում վարչապետ Նիկոլ Փաշինյանն այցելեց «Արտֆուդ» պահածոների գործարան: Այսօր՝ սեպտեմբերի 22-ին, տեղի ունեցավ նոր արտադրամասի բացումը:

 «Արտֆուդ» գործարանի գլխավոր տնօրեն Վաչագան Կարապետյանը լրագրողներին հայտնեց, որ ներկայումս ընկերությունն իրականացնում է գործարանի սարքավորումների եւ ենթակառուցվածքների լայնածավալ արդիականացում: Այս տարի 3,5 մլն դոլարի նոր սարքավորումներ են ձեռք բերվել, եւս 1 մլն դոլար ծախսվել է շինարարարական աշխատանքների համար:

 «Երկու նոր արտադրամասներ են կառուցվել, որոնք հնարավորություն են տալիս մեզ արդիականացնել տեխնոլոգիաները, բարձրացնել հզորությունները եւ ավտոմատացնել գործընթացները: Չնայած ավտոմատացմանը, մենք աշխատատեղերի քանակը 850-ի ենք հասցրել. եթե անցյալ տարի մենք  ունեինք 750 աշխատող, այս տարի արդեն 850», - ասաց նա:

Գլխավոր տնօրենի խոսքով, այս տարի աճել է նաեւ մթերումների ծավալը: Նախատեսվում է 2 մլրդ դրամի գյուղատնտեսական արտադրանք մթերել: «Այս ցուցանիշը երկու անգամ ավելի բարձր է նախորդ տարվա համեմատ», - ասաց նա` ավելացնելով, որ արտադրանքի 80 տոկոսը ձեռք է բերվում Արարատի մարզից, մնացածը՝ Արմավիրից:

Վաչագան Կարապետյանը նշեց, որ այս տարի պոմիդորի մթերման գները բարձր են եղել վատ եղանակային պայմանների հետեւանքով ստացված ցածր բերքատվության պատճառով:

 «Կորուստները մասնակի փոխհատուցվել են, քանի որ պոմիդորների համար ավելի շատ տարածք է հատկացվել, եւ դրանում կա մեր ներդրումը, քանի որ մենք  նախօրոք պայմանագրեր ենք կնքում ֆերմերների հետ, եւ մենք վճարել ենք 350 մլն դրամ կանխավճար», - ավելացրեց նա` նշելով, որ տոմատի համար պոմիդորների մեկ կգ-ն գնվում  է 50 դրամով, մանր պոմիդորները գործարանը գնում է  120 դրամով, իսկ խոշորները` 100 դրամով:

Այս տարի, ըստ գլխավոր տնօրենի, արտահանման ծավալները երեք անգամ կաճեն, եթե անցյալ  տարի 1,3 մլրդ դրամի ապրանք է արտահանվել, այս տարի նախատեսվում է 5 մլրդ դրամի պահածոներ արտահանել:

Ինչպես լրագրողներին ասաց Cavalieri ընկերության  հիմնադիր Ռոսանո Կավալիերին, իտալական ընկերությունը «Արտֆուդ» գործարանում ներդրել է ժամանակակից տեխնոլոգիաներ, որոնք արդեն օգտագործվում են ամբողջ աշխարհում, սակայն Հայաստանում դա առաջին գծն է:

2017 թվականի դեկտեմբերին «Ավիլոն» ընկերության ղեկավար Կամո Ավագումյանին պատկանող «Էմ Բի Քեփիթալ» ընկերությունը ձեռք բերեց  Արտաշատի պահածոների գործարանի՝ «ԱրտՖուդ»-ի բաժնետոմսերի 75 տոկոսը:

Հաստատվել է խոշորածավալ ներդրումային ծրագիր՝ ուղղված գործարանի սարքավորանքի եւ ենթակառուցվածքների արդիականացմանը: Միայն այս տարի այդ նպատակների համար 3,5 մլն դոլար է հատկացվել: Տոմատների վերամշակման համար շահագործվել է Cavalieri իտալական սարքը: Նշենք, որ սա ԵՏՄ-ի տարածքում իր տեսակով եզակի տեխնոլոգիա է:

Առաջիկա հինգ տարիների ընթացքում ընկերությունը նախատեսում է կրկնապատկել արտադրության աճի տեմպերը, իսկ արտահանման ծավալները` 3,5 անգամ: Արտադրանքը արտահանվում է Ռուսաստան, Վրաստան, Բելգիա, ԱՄՆ, Կանադա, Անգլիա եւ Ղազախստան: Իսրայելական խոշորագույն ներկրողի հետ բանակցություններ են ընթանում:

Ընկերությունը նախատեսում է նաեւ նոր ապրանքատեսակներ սկսել արտադրել եւ արտահանել, ինչպես նաեւ արտադրական որակի բարձրացում:

Ընկերությունը համագործակցում է ռուսական առաջատար «Արմտորգ» առեւտրի տան հետ, որը ռուսաստանյան խոշոր եւ միջին ցանցային ընկերությունների մատակարարն է: Սա հնարավորություն է տալիս ընկերությանն իր արտադրանքը վաճառել ցանցերում, որոնք ունեն տասնյակ հազարավոր առեւտրային կետեր:

Լուսանկարները՝ 168.am

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարի փոխարժեքը նվազել է. եվրոն թանկացել է ավելի քան 4 դրամով
Թանկարժեք մետաղների համար բանկի կողմից սահմանվել են հետեւյալ գները...
Դռնփակ հանդիպում՝ Տիգրան Ավինյանի եւ Վալերի Մեջլումյանի միջեւ. ինչպես կլուծվի Ալավերդու գործարանի ճակատագիրը
Պահանջներից մեկն այն է, որ գործարանը չի կարող այդ տրված նորմաների սահմաններում արտանետումներ իրականացնել եւ պահանջում է...
Սննդամթերքի անվտանգության ապահովումը առանց ռիսկերի գնահատման անհնարին եւ անշնորհակալ գործ է. Գ. Ավետիսյան
Համաժողովն ընձեռում է գերազանց եւ եզակի հնարավորություն սննդագետներին, հետազոտողներին, տեխնոլոգներին, արտադրողներին եւ սննդաբաններին երիտասարդ գիտնականներին եւ ուսանողներին...
Միայն աշխատավարձ կրկնապատկելով կոռուպցիոն դրսեւորումների նվազում չենք ունենա. Վարդան Արամյան
Երբ խոսում ենք հարկային ոլորտում խորքային փոփոխությունների մասին պետք է հաշվի առնենք, որ հարկային քաղաքականությունը տնտեսական կառավարման կարեւոր գործիքներից է...
Զարմանալի է, ամեն ինչի գինը բարձրացել է, բացի տրանսպորտից․ Հայկ Մարության
5 տարվա ընթացքում ամեն ինչի գինը բարձրացել է․․․
Նախկին պատգամավոր․ Հայաստանում թոշակների եւ աշխատավարձերի բարձրացման նախադրյալներ չկան
Սրա հետ կապված՝ նախկին պատգամավորը չբացառեց բնակչության շրջանում դժգոհության աճը․․․
Partner news