News
Լրահոս
News
Ուրբաթ
Մարտ 29
Տեսնել լրահոսը


Պետք է լինել հետեւողական եւ թույլ չտալ, որպեսզի ավտոբուսներով, ԳԱԶել-ներով կամ այլ փոխադրամիջոցներով ընտրողների բերեն ընտրատեղամասեր եւ ուղղորդեն: Այս մասին այսօր՝ սեպտեմբերի 22-ին ՀՀ ոստիկանապետ Վալերի Օսիպյանը հայտարարել է ոստիկանության Երեւան քաղաքի վարչության ենթակա ստորաբաժանումների ղեկավար կազմի հետ օպերատիվ խորհրդակցության ժամանակ:

Ոստիկանության մամուլի ծառայության փոխանցմամբ՝ խորհրդակցության նպատակն էր Երեւանի ավագանու ընտրություններից առաջ ստորաբաժանումների ղեկավարներին տալ վերջին ցուցումները ընտրական տեղամասերում ծառայության նշանակված վերակարգերի վերաբերյալ: Օսիպյանը նշել է, որ դրական է գնահատում նախնտրական փուլում կատարված աշխատանքը:

«Եթե նախկինում քարոզարշավների ժամանակ շտաբների մոտ լինում էին ծեծկռտուքներ, կրակոցներ, ապա այս տարի նման դեպքեր չեն արձանագրվել, եւ դա խոսում է ոստիկանության պատշաճ ծառայության մասին»,- ասել է ոստիկանության պետը:

Վալերի Օսիպյանը շեշտել է, որ այս ընտրությունները լուրջ փորձություն են, եւ ոստիկանությունը պետք է կարողանա պատվով կատարել օրենքով սահմանված իր լիազորություններն ու խնդիրները:

Ոստիկանապետը հիշեցրել է, որ արգելվում է քվեարկության օրը տեղամասային կենտրոնին հարող տարածքում մինչեւ 50 մետր շառավղով խմբերով հավաքվելը, մեքենաների կուտակումը, եւ նման դրսեւորումները պետք է բացառել՝ անկախ նրանից, թե ովքեր են այդ մարդիկ, ինչ պաշտոն կամ կուսակցական պատկանելություն ունեն:

Օսիպյանը հայտարարել է, որ չպետք է հանդուրժել ընտակաշառքի կամ ընտրական կեղծարարության որեւէ դրսեւորում, պահանջել է զգոն լինել նմանօրինակ դրսեւորումների չեզոքացման նպատակով եւ ընդծել, որ այս հարցում անգործություն ցուցաբերած ոստիկանության ծառայողները իրենց վերադասների հետ կպատժվեն խստագույնս։

«Հարկավոր է լինել, սկզբունքային, խիստ: Օրենքի առաջ բոլորն են հավասար»,- ասել է ոստիկանության պետը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն համաձայնության չի եկել Ռուսաստանի դեմ պատժամիջոցների վեցերորդ փաթեթի շուրջ
ԵՄ-ն համաձայնության չի եկել Ռուսաստանի դեմ պատժամիջոցների վեցերորդ փաթեթի շուրջ․․․
«Ժողովուրդ». Բացառիկ. որ դատավորների սենյակներում են գաղտնալսվող սարքեր տեղադրվել
Նշենք, որ այս դատավորների աշխատասենյակներում գաղտնալսող սարքերի տեղադրումն ամենևին էլ պատահական չէ, քանի որ նրանցից...
COVID-19-ի հետ կապված սահմանափակումների պատճառով Հելսինկիում բողոքի ցույց է անցկացվել
Ակցիային մասնակցել է շուրջ 300 մարդ․․․
«Ազատ հայրենիքը» ձգտելու է շարունակել զբաղեցնել իր առաջատար դիրքը. Արայիկ Հարությունյան
«Ազատ հայրենիքը» իր նշանակալի նպաստն ունի Արցախի պետականաշինության գործում...
Չենք լռելու եւ չենք դառնալու իշխանության գրպանի ընդդիմություն. Շարմազանով
Ալավերդու պղնձաձուլարանի փակումը վառ օրինակ է, թե ինչ է անում Փաշինյանի իշխանությունը...
Հայաստանի ԿԸՀ-ն ներկայացրել է Երեւանի նորընտիր ավագանու կազմը (ցանկ)
ԿԸՀ-ն նախ ուժը կորցրած է ճանաչել ԲՀԿ ընտրական ցուցակում ընդգրկված ավագանու անդամի թեկնածուներ Նաիրա Զոհրաբյանի, Պետրոս Ղազարյանի…
Ամենաշատ