Կիրակի՝ սեպտեմբերի 23-ին, Շվեյցարիայի քաղաքացիները կքվեարկեն պարենային շուկայի կարգավորման հարցերով հանրաքվեում, հայտնում է «Իզվեստիան»:
Քվեարկությունը կանցկացվի պարենամթերքի ներմուծման վերահսկողության խստացման եւ հայրենական արտադրողներին աջակցելու հարցերով:
Հանրաքվե անցկացնելու պատճառը ավելի քան 100 հազար ստորագրությամբ միջնորդագիրն է: Շվեյցարիայի օրենսդրության համաձայն՝ նման կեսականորեն հրատապ հարցերը դրվում են համազգային հանրաքվեի:
Եթե արտասահմանցի մատակարարը չհամապատասխանի որակի շվեյցարական ստանդարտներին, ապա նրա արտադրանքը չի կարելի ներմուծել:
Դրանից բացի, քվեարկության կդրվի ներմուծվող ապրանքների մաքսատուրքերի բարձրացման հարցը՝ տեղական արտադրողներին աջակցելու համար:
Համազգային քվեարկության ընթացքում նախաձեռնության աջակցության դեպքում Շվեյցարիայի կառավարությունը պարտավոր է պարենամթերքի առեւտրի նոր կանոններ սահմանել: